ମୁମ୍ବାଇ: ବର୍ତ୍ତମାନ ଅମିତାଭ ବଚ୍ଚନ ନିଜ ଆଗାମୀ ଫିଲ୍ମ ‘ଝୁଣ୍ଡ’କୁ ନେଇ ଖୁବ୍ ବ୍ୟସ୍ତ । ସୋମବାର ଫିଲ୍ମର ଫାଷ୍ଟଲୁକ ପୋଷ୍ଟର ଜାରି କରିଥିଲେ ମେକର୍ସ । ଆଉ ଏବେ ରିଲିଜ ହୋଇଯାଇଛି ଫିଲ୍ମର ଟିଜର । ଏହି ଫିଲ୍ମ ସ୍ଲମ ସକରର ସଂସ୍ଥାପକ ବିଜୟ ବରସେଙ୍କ ଜୀବନ ଉପରେ ଆଧାରିତ । ଫିଲ୍ମ ଟିଜର ଆରମ୍ଭରେ ଅମିତାଭଙ୍କ କିଛି ଶବ୍ଦ ସହ ଏକ ଝୁଣ୍ଡ ଚାଲୁଥିବାର ଦେଖିବାକୁ ମିଳୁଛି ।
- " class="align-text-top noRightClick twitterSection" data="">
‘ଝୁଣ୍ଡ’ରେ ଅମିତାଭ ଜଣେ ଅବସରପ୍ରାପ୍ତ ଫୁଟବଲ ଟ୍ରେନର ହୋଇଛନ୍ତି । ଯିଏ ଫିଲ୍ମରେ ଗରିବ ପିଲାଙ୍କୁ ଫୁଟବଲ ଟ୍ରେନିଂ ଦେଉଛନ୍ତି । ଟିଜର ଆରମ୍ଭରେ ଅମିତାଭ କହୁଛନ୍ତି, ‘ଇସେ ଝୁଣ୍ଡ ମତ କହିଏ ଇସେ ଟିମ କହିଏ ।’ ଏହାସହ ଷ୍ଟ୍ରିଟରେ ଅନେକ ଝିଅ-ପୁଅ ଏକାଠି ଚାଲିକି ଯାଉଥିବାର ନଜର ଆସୁଛନ୍ତି । ଯେଉଁମାନେ ହାତରେ ସାଇକେଲ ଚେନ, ବାଡି ଧରି ଚାଲୁଛନ୍ତି ।
ଟିଜରକୁ ଟ୍ବିଟରରେ ସେୟାର କରି ଅମିତାଭ କ୍ୟାପସନରେ ଲେଖିଛନ୍ତି, ‘ଝୁଣ୍ଡ ଆ ଗୟା...ଆ ଗୟା ।’ ପିତାଙ୍କ ଫିଲ୍ମକୁ ନେଇ ଉତ୍ସାହିତ ଥିବା ପୁଅ ତଥା ଅଭିନେତା ଅଭିଷେକ ବଚ୍ଚନ ଫିଲ୍ମର ଟିଜର ସେୟାର କରି ଲେଖିଛନ୍ତି, ‘ଫିଲ୍ମ ଦେଖିବାକୁ ସେ ଖୁବ୍ ଏକ୍ସାଇଟେଡ ଅଛନ୍ତି । ଫିଲ୍ମ ବହୁତ ଶାନଦାର ହୋଇଛି ।’
ପ୍ରକାଶ ଥାଉକି ‘ଝୁଣ୍ଡ’ ଟିଜର ସହ ଫିଲ୍ମର ରିଲିଜ ତାରିଖ ଘୋଷଣା କରାଯାଇଛି । ଫିଲ୍ମଟି ଏବର୍ଷ ମେ 8 ତାରିଖରେ ରିଲିଜ ହେବାକୁ ଯାଉଛି ।
