ମୁମ୍ବାଇ: 34 ବର୍ଷରେ ପାଦ ଥାପିଲେ ସାଉଥ ସୁପରଷ୍ଟାର ରାମ ଚରଣ। ଏହି ଦକ୍ଷିଣ ଭାରତୀୟ ଅଭିନେତାଙ୍କୁ ଛୁଟିଛି ଜନ୍ମଦିନର ଶୁଭେଚ୍ଛା ସୁଅ । କିନ୍ତୁ ସବୁଠାରୁ ଖାସ୍ କଥା ହେଲା ବି-ଟାଉନର ବିଗ-ବି ଅମିତାଭ ବଚ୍ଚନଙ୍କ ଶୁଭେଚ୍ଛା, ଯାହାପାଇଁ ଖୁବଖୁସି ହୋଇ ଯାଇଛନ୍ତି ରାମ ଚରଣ ।
ଅମିତାଭ ସୋସିଆଲ ମିଡିଆରେ ଏକ ଭିଡିଓ ସେୟାର କରି ରାମ ଚରଣଙ୍କୁ ବର୍ଥଡେ ୱିଶ କରିଛନ୍ତି । ଭିଡିଓରେ ସେ ଏହା କହୁଥିବାର ନଜର ଆସୁଛନ୍ତି, "ମୁଁ ମୁମ୍ବାଇରେ ବସି ମୋ ପରିବାର ତରଫରୁ ଏବଂ ନିଜର ତରଫରୁ ଆପଣଙ୍କୁ ଜନ୍ମଦିନର ବହୁତ ବହୁତ ଶୁଭେଚ୍ଛା ଜଣାଉଛି। ମୁଁ ଆଶା କରୁଛି ଯେ ଆପଣ ଜୀବନରେ ସବୁ ସଫଳତା ଅର୍ଜନକରିବେ । ଆଜି ମୁଁ ଆପଣଙ୍କୁ କହିବାକୁ ଚାହୁଁଛି ଯେ ଆପଣ ଜଣେ ଶାନଦାର ବ୍ୟକ୍ତି । ତେବେ ବୟସ ବଢିବା ସହ ଆପଣ18 ବର୍ଷ ଯୁବକ ପରି ଦେଖାଯାଉଛନ୍ତି ।"
ସବୁଠାରୁ ମୁଖ୍ୟ କଥା ହେଲା କି ଅମିତାଭ ଏହି ଶୁଭେଚ୍ଛା ତେଲୁଗୁ ଭାଷାରେ ଦେଇଛନ୍ତି । ଜଣାଇ ଦେଉଛୁ ଯେ ଏହି ହାର୍ଟଟଚିଂ ଭିଡିଓକୁ ରାମ ଚରଣଙ୍କ ପତ୍ନୀ ଉପାସନା କୋନିଡେଲା ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, "ଆପଣଙ୍କ ଏହି ସ୍ବିଟ ମେସେଜ ପାଇଁ ଧନ୍ୟବାଦ । ଏହା ଆମ ପାଇଁ ମହଙ୍ଗା ଉପହାର ଠାରୁ ମଧ୍ୟ ଅଧିକ। ମୁଁ ଆପଣଙ୍କୁ ଜଣାଇପାରିବି ନାହିଁ ଏବେ ମୁଁ କିପରି ଅନୁଭବ କରୁଛି । ମୋ ହାତ୍ ଏବେ ମଧ୍ୟ ଥରୁଛି । ମୁଁ ଖୁବ୍ ଉତ୍ସାହିତ ଅଛି ।
ବଚ୍ଚନଙ୍କ ବ୍ୟତୀତ ଅନେକ ସେଲିବ୍ରୀଟି ମଧ୍ୟ ରାମ ଚରଣଙ୍କୁ ଜନ୍ମଦିନର ଶୁଭେଚ୍ଛା ସୋସିଆଲ ମିଡିଆ ଜରିଆରେ ଜଣାଇଛନ୍ତି । ଏହି ସିମୟରେ ସୋସିଆଲ ମିଡିଆରେ #HBDChana ଟ୍ରେଣ୍ଡ ମଧ୍ୟ କରିବାରେ ଲାଗିଛି । ଯାହା ତାଙ୍କ ଫ୍ୟାନ୍ସଙ୍କ ଦ୍ବାରା କରାଯାଇଛି ।
