ମୁମ୍ବାଇ: ମହାନାୟକ ଅମିତାଭ ବଚ୍ଚନ 77 ବର୍ଷ ବୟସରେ ମଧ୍ୟ ଖୁବ୍ ପରିଶ୍ରମ କରୁଛନ୍ତି । ଏବର୍ଷ ତାଙ୍କର ବ୍ୟାକ ଟୁ ବ୍ୟାକ ଫିଲ୍ମ ରିଲିଜ ହେବାକୁ ଯାଉଛନ୍ତି। ଏହା କହିବା ଭୁଲ ହେବନାହିଁ ଯେ ଅମିତାଭ ବଲିଉଡର ୱାର୍କହୋଲିକ ମ୍ୟାନ। କାମ ବ୍ୟତୀତ ଅମିତାଭ ସବୁବେଳେ ସୋସିଆଲ ମିଡିଆରେ ଆକ୍ଟିଭ ରୁହନ୍ତି। ସେ ପ୍ରାୟତଃ ନିଜ ବିଷୟରେ ସବୁ ସୂଚନା ଫ୍ୟାନ୍ସଙ୍କୁ ଦିଅନ୍ତି। ବର୍ତ୍ତମାନ ନିଜର ଏକ ଟ୍ବିଟକୁ ନେଇ ଚର୍ଚ୍ଚାରେ ସେ । ଟ୍ବିଟ ଜରିଆରେ ଅମିତାଭ ଫ୍ୟାନ୍ସଙ୍କୁ ଶାନଦାର ଉପଦେଶ ମଧ୍ୟ ଦେଇଛନ୍ତି।
ସେ ଟ୍ବିଟ କରି ଲେଖିଛନ୍ତି, ‘ମୋ ଆଗାମୀ ଫିଲ୍ମର ଲାଇନଅପ- ଏପ୍ରିଲ 17 ଗୁଲାବୋ ସିତାବୋ, ମେ 8 ଝୁଣ୍ଡ ଓ ଜୁଲାଇ 17 ଚେହରେ । ଜୀବନ ଚାଲିବାର ନାମ, ସବୁବେଳେ ଚାଲୁଥାଆନ୍ତୁ ।’ ବର୍ତ୍ତମାନ ତାଙ୍କ ଏହି ଟ୍ବିଟ ଉପରେ ଫ୍ୟାନ୍ସଙ୍କ କମେଣ୍ଟର ବନ୍ୟା ଦେଖିବାକୁ ମିଳୁଛି ।
ପ୍ରକାଶ ଥାଉକି ନିକଟରେ ତାଙ୍କ ଫିଲ୍ମ ‘ଝୁଣ୍ଡ’ର ଟିଜର ରିଲିଜ କରାଯାଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକେ। ସେହିପରି ସେ ବି-ଟାଉନର ସିରିୟଲ କିସର ଇମରାନ ହାସମୀଙ୍କ ଆଗାମୀ ଫିଲ୍ମର ‘ଚେହରେ’ରେ ନଜର ଆସିବେ । ପ୍ରଥମଥର ଏହି ଯୋଡିଙ୍କୁ ପରଦାରେ ଦେଖିବାକୁ ନେଇ ଏକ୍ଟାଇଟେଡ ଦର୍ଶକ। ଆଉ ଆୟୁଷ୍ମାନ ଖୁରାନାଙ୍କ ସହ ଅମିତାଭ ‘ଗୁଲାବୋ ସିତାବୋ’ରେ ମଧ୍ୟ ଦେଖାଯିବେ।
ଏହି ଦୁଇ ଫିଲ୍ମ ବ୍ୟତୀତ ସେ ଆୟନ ମୁଖାର୍ଜୀଙ୍କ ମଲ୍ଟି ଷ୍ଟାରର ଫିଲ୍ମ ‘ବ୍ରହ୍ମାସ୍ତ୍ର’ରେ ଅଭିନୟ କରୁଛନ୍ତି। ଫିଲ୍ମରେ ତାଙ୍କ ସହ ରଣବୀର କପୁର, ଆଲିୟା ଭଟ୍ଟ, ନାଗାର୍ଜୁନ ଓ ମୌନୀ ରାୟ ମୁଖ୍ୟ ଭୂମିକାରେ ନଜର ଆସିବେ।
