ଭୁବନେଶ୍ବର: ଆସନ୍ତା ଡିସେମ୍ବର 29ରେ ଚାଇନାର ଗାଉଁଜହଉ ସହରରେ ହେବାକୁ ଯାଉଛି ମିସେସ ୟୁନିଭର୍ସ 2019। ହାରାହରି 90 ଟି ଦେଶରୁ ପ୍ରତିଯୋଗୀ ଏହି ମିସେସ ୟୁନିଭର୍ସ 2019ରେ ଯୋଗ ଦେବେ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଆଉ ଚଳିତ ବର୍ଷ ଭାରତର ପ୍ରତିନିଧିତ୍ବ କରବେ ଓଡ଼ିଶାର ବୋହୂ ଅମିତା ପଣ୍ଡା। ଏଥର ପୁରା ଦେଶକୁ ଦେଖାଇବେ ସେ ନିଜ ଜଲୱା । ଭୁବନେଶ୍ବରରେ ବସବାସ କରୁଥିବା ଅମିତା ପିଲାଟି ଦିନରୁ ମଡେଲିଂ ପ୍ରତି ରୁଚି ରଖିଆସୁଛି। ଅନ୍ୟପଟେ ସୋମବାର ମିସେସ ୟୁନିଭର୍ସ 201ର ଅନ୍ୟ ପ୍ରତିଯୋଗିତା ଆରମ୍ଭ ହୋଇଯାଇଛି । ଆଉ ଅମିତାଙ୍କୁ ଆଗକୁ ବଢ଼ିବା ପାଇଁ ଭୋଟ ଦରକାର ବୋଲି ଓଡ଼ିଶାବାସୀଙ୍କୁ ଜଣାଇଛନ୍ତି ସେ ।
ପ୍ରକାଶ ଥାଉକି ଚଳିତ ବର୍ଷ ଏପ୍ରିଲ ମାସରେ ମିସେସ ସେଣ୍ଟ୍ରାଲ ଏସିଆ ପାସିଫିକ ୟୁନିଭର୍ସ ମୁକୁଟ ପିନ୍ଧିବାରେ ମଧ୍ୟ ସେ ସଫଳ ହୋଇଥିଲେ । ନୂଆଦିଲ୍ଲୀରେ ଅନୁଷ୍ଠିତ ଏକ କାର୍ଯ୍ୟକ୍ରରେ ତାଙ୍କୁ ମିସେସ ସେଣ୍ଟ୍ରାଲ ଏସିଆ ପାସିଫିକ ୟୁନିଭର୍ସ 2019ର କ୍ରାଇନରେ ସମ୍ମାନିତ କରାଯାଇଥିଲା ।
ଭୁବନେଶ୍ବରରୁ ଶତରୂପା ସାମାନ୍ତରାୟ, ଇଟିଭି ଭାରତ
