ମୁମ୍ବାଇ: ଅଭିନେତ୍ରୀ ଅମିଷା ପଟେଲ ହୁଏତଃ ଏହି ସମୟରେ ଫିଲ୍ମ ଜଗତରୁ ଦୂରେଇ ରହିଛନ୍ତି । କିନ୍ତୁ ସବୁବେଳେ ସେ ସୋସିଆଲ ମିଡିଆରେ ଆକ୍ଟିଭ ରହୁଥିବାର ଦେଖାଯାଆନ୍ତି । ଅନେକ ଥର ସେ ଟ୍ରୋଲର୍ସଙ୍କ ଶିକାର ମଧ୍ୟ ହୋଇସାରିଛନ୍ତି । ତଥାପି ସେ ଟ୍ରୋଲର୍ସଙ୍କୁ ଖାତିର ନ କରି ନିଜର ସେକ୍ସୀ ଆଣ୍ଡ ବୋଲ୍ଡ ଫଟୋ ପ୍ରାୟତଃ ସେୟାର କରିଥାଆନ୍ତି ।
ବର୍ତ୍ତମାନ 43 ବର୍ଷୀୟ ଅମିଷା ଟିଭି ବିଜ୍ଞାପନରେ ନଜର ଆସୁଛନ୍ତି । ଇତିମଧ୍ୟରେ ସେ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓଟିକୁ ଏଯାବତ 4 ଲକ୍ଷରୁ ଅଧିକ ଲୋକ ଦେଖିସାରିଲେଣି । ଭିଡିଓରେ ଅମିଷା ବାଥ-ଟବରେ ଫଟୋ ସୁଟ କରୁଥିବାର ନଜର ଆସୁଛନ୍ତି । ସେୟାର କରି ସେ କ୍ୟାପସନରେ ଲେଖିଛନ୍ତି, "Love my life, thanku god."
ଏହାପୂର୍ବରୁ ଅମିଷା ନିଜ ଫଟୋସୁଟର କିଛି ଫଟୋ ସେୟାର କରିଥିଲେ । ଯାହାପରେ ୟୁଜର୍ସ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଥିଲେ । ୟୁଜର୍ସ ତାଙ୍କ କାମ ଏବଂ ବୟସ ଉପରେ ପ୍ରଶ୍ନ ଉଠାଇ ବିବାହ କରିବାକୁ ପରାର୍ମଶ ଦେଇଥିଲେ । ଅନେକ ୟୁଜର୍ସ ତାଙ୍କୁ ନିଜର ପତ୍ନୀ ମଧ୍ୟ କହିଥିଲେ ।
ପ୍ରକାଶ ଥାଉକି 2000ରେ ଅମିଷା ଅଭିନେତା ହ୍ରିତିକ୍ ରୋଶନଙ୍କ ସହ ନିଜ ଫିଲ୍ମ କ୍ୟାରିୟର ଆରମ୍ଭ କରିଥିଲେ । ଏହାପରେ ସେ 2001ରେ ସନ୍ନି ଦେଓଲଙ୍କ ସପୁରହିଟ୍ ଫିଲ୍ମ 'ଗଦର: ଏକ ପ୍ରେମକଥା'ରୁ ଲୋକପ୍ରିୟ ହୋଇଥିଲେ ।
