ମୁମ୍ବାଇ: କୋରୋନା ମହାମାରୀ ସମୟରେ ଲୋକଙ୍କୁ ସାହାଯ୍ୟ କରିବାକୁ ବଲିଉଡ ଅଭିନେତାମାନେ କ୍ରମାଗତ ଭାବରେ ଆଗକୁ ଆସୁଛନ୍ତି । ଏଥି ସହିତ ଭାଇଜାନ ସଲମାନ ଖାନ ପୁଣି ଥରେ ନିଜ ଉଦାରତା ପ୍ରଦର୍ଶନ କରିଛନ୍ତି । ମୁମ୍ବାଇ ପୋଲିସକୁ ସାନିଟାଇଜର ଦାନ କରିବା ପରେ ସେ ଥିଏଟର କର୍ମଚାରୀଙ୍କୁ ସାହାଯ୍ୟ କରିବାକୁ ସାମ୍ନାକୁ ଆସିଛନ୍ତି । କେବଳ ଏତିକି ନୁହେଁ, ସେ ଥିଏଟର କର୍ମଚାରୀଙ୍କ ପାଇଁ ଖାଦ୍ୟ ଦାନ କରିବା ଆରମ୍ଭ କରିଦେଇଛନ୍ତି ।
ଏହାର ସୂଚନା ଯୁବ ସେନା ନେତା ରାହୁଲ କାନଲ ଦେଇଛନ୍ତି । ସେ ଏକ ସାକ୍ଷାତକାରରେ ଯୋଗ ଦେଇ କହିଛନ୍ତି ଯେ ସଲମାନ ଯେତେବେଳେ ଶ୍ରୀ ଶିବାଜୀ ମନ୍ଦିର ନାଟକ ଗୃହର କଳାକାର ଏବଂ ଟେକ୍ନିସିଆନଙ୍କ ବିଷୟରେ ଶୁଣିଲେ ସେତେବେଳେ ସେ ତୁରନ୍ତ ସାହାଯ୍ୟ କରିବାକୁ ରାଜି ହୋଇଯାଇଥିଲେ ।
ପ୍ରତ୍ୟେକ ରାସନ କିଟ୍ରେ 5 କିଲୋଗ୍ରାମ ଚାଉଳ ଏବଂ ଗହମ ମଇଦା, ପନିପରିବା, ତେଲ, ଲୁଣ, ମସଲା ଏବଂ ଚା ପତ୍ର ସାମିଲ ଅଛି । ଆମେ ପ୍ରଥମ ଦିନରେ ପ୍ରାୟ 186 ଶ୍ରମିକଙ୍କ ନିକଟରେ ପହଞ୍ଚିବାରେ ସକ୍ଷମ ହୋଇଥିଲୁ ଏବଂ ସେମାନଙ୍କ ମାଧ୍ୟମରେ ଅନ୍ୟ ଥିଏଟର କଳାକାରମାନଙ୍କୁ ମଧ୍ୟ ସାହାଯ୍ୟ କରିବାକୁ ଆଶା କରିଥଲୁ । କିଟ୍ ବଣ୍ଟନ କରିବା ସମୟରେ ଆମେ ମଧ୍ୟ ସୁରକ୍ଷା ବ୍ୟବସ୍ଥା ଗ୍ରହଣ କରିଥିଲୁ । ଆଉ ସଲମାନଙ୍କ ପାଇଁ ସେହି ପରିବାରରେ ମୁହଁରେ ଖୁସି ଦେଖିବାକୁ ମିଳୁଛି । ଯେଉଁମାନେ ଲକଡାଉନରେ ଅଧିକ ପ୍ରଭାବିତ ହୋଇଛନ୍ତି ବୋଲି କହିଛନ୍ତି ରାହୁଲ ।
