ହାଇଦ୍ରାବାଦ: ଉତ୍ତରପ୍ରଦେଶର ଆଲିଗଡରେ ଅଢେଇ ବର୍ଷର ଶିଶୁକନ୍ୟାକୁ ଅତି ଅମାନୁଷିକ ଭାବେ ହତ୍ୟା କରାଯାଇଛି । ଏନେଇ ଦେଶସାରା ହଇଚଇ ସୃଷ୍ଟି ହୋଇଛି । ସୋସିଆଲ ମିଡିଆରେ ସମସ୍ତେ ଦୋଷୀକୁ ଫାସୀ ଦିଆଯାଉ ବୋଲି ଅପିଲ କରୁଛନ୍ତି । ଅନ୍ୟପକ୍ଷେ ବଲିଉଡ କଳାକାର ମଧ୍ୟ ଦୋଷୀଙ୍କୁ କଡା ଶାସ୍ତି ଦିଆଯାଉ ବୋଲି କହିଛନ୍ତି ।
ଅଭିଷେକ ବଚ୍ଚନଙ୍କଠୁ ଆରମ୍ଭ କରି ସନ୍ନି ଲିଓନି ଓ ଅର୍ଜୁନ କପୁର ମଧ୍ୟ ଏଥିରେ ସାମିଲ ହୋଇଛନ୍ତି । ସମସ୍ତେ ଏକ ସ୍ବରରେ ଏହାର ବିରୋଧ କରିଛନ୍ତି । ଅଭିନେତ୍ରୀ ସନ୍ନି ଲିଓନି ଏଥିପାଇଁ କ୍ଷମା ପ୍ରାର୍ଥନା କରିଥିଲେ ଆମେ ଗୋଟେ ଏମିତି ଦୁନିଆରେ ଅଛେ ଯେଉଁଠି ମଣିଷପଣିଆ ମରିଯାଇଛି । ଅନ୍ୟପକ୍ଷେ ଅଭିଷେକ ବଚ୍ଚନ ଏହି ଖବର ଶୁଣିବି ପରେ ରାଗରେ ଥିବା ବେଳେ ଜଣେ କିପରି ଏମିତି କରିପାରିବ ବୋଲି ଆଶ୍ଚର୍ଯ୍ୟ ହୋଇଛନ୍ତି ଅଭିଷେକ ।
ସେହିପରି ଖିଲାଡି ଅକ୍ଷୟ କୁମାର ମଧ୍ୟ ବିରୋଧ ପ୍ରଦର୍ଶନ କରିଛନ୍ତି । ଏହାସହ କହିଛନ୍ତି ଶିଶୁମାନଙ୍କ ପାଇଁ ଏହା ସୁରକ୍ଷିତ ଦେଶ ନୁହେଁ ବୋଲି କହିଛନ୍ତି ଅକ୍ଷୟ ।
ପ୍ରକାଶ ଥାଉକି, ଗତ 30 ତାରିଖରେ ଅଢେଇ ବର୍ଷର ଶିଶୁ କନ୍ୟା ଖେଳୁଥିବା ସମୟରେ ଗାୟବ ହୋଇଯାଇଥିବା ବେଳେ 2 ଜୁନରେ ଶିଶୁର ମୃତଦେହ ଆବର୍ଜନା ଗଦାରୁ ମିଳିଥିଲା । ଏହାସହ ଶିଶୁର ଆଖିକୁ ବାହାର କରିଦିଆଯାଇଥିଲା । ତେବେ ମାମଲାରେ ଦୁଇଜଣଙ୍କୁ ପୋଲିସ ଗିରଫ କରିଛି ।
