ହାଇଦ୍ରାବାଦ: ଆଲିଆ ଏବେ ଫିଟନେସ୍ ରହିବା ପାଇଁ କରୁଛନ୍ତି ଏରିଏଲ୍ ଯୋଗ । କଳଙ୍କର ଲିଡ ଅଭିନେତ୍ରୀ ଆଲିଆ ନିଜ ଆଗାମୀ ଚଳଚ୍ଚିତ୍ର ବ୍ରହ୍ମାସ୍ତ୍ର ପାଇଁ ଫିଟ୍ ରହିବାକୁ ସକାଳୁ ସକାଳୁ ଯୋଗ କରୁଛନ୍ତି । ଆଲିଆ ନିଜ ସାଙ୍ଗ ଆଙ୍କାକ୍ଷା ରଂଜନ କପୁରଙ୍କ ସହ ଯୋଗ କରୁଥିବାର ଏକ ଫଟୋ ଇନଷ୍ଟାଗ୍ରାମରେ ପୋଷ୍ଟ କରି ଲେଖିଛନ୍ତି ' ଚେଷ୍ଟା କର ଯେ ପର୍ଯ୍ୟନ୍ତ ଉଡିନଯାଇଛି ' ।
ଏହି ଫଟୋରେ ଆଲିଆ ଓ ଆଙ୍କାକ୍ଷା ଗୋଟେ ରୋପ୍ ସାହାଯ୍ୟରେ ଲମ୍ବା କପଡାକୁ ଧରି ଓହଳିଥିବା ଦେଖିବାକୁ ମିଳିଛି । ନିଜ ଆଗାମୀ ଚଳଚ୍ଚିତ୍ର ବ୍ରହ୍ମାସ୍ତ୍ର ପାଇଁ ଜୋରଦାର ପ୍ରସ୍ତୁତିରେ ଲାଗିଯାଇଛନ୍ତି ଆଲିଆ ।
ଏହି ଫିଲ୍ମର ସୁଟିଂ ନ୍ୟୁୟର୍କ, ମୁମ୍ବାଇ, ବୁଲଗେରିଆରେ ହେବ ଓ ଏହାକୁ ନିର୍ଦ୍ଦେଶନା ଦେବେ ଅୟାନ ମୁଖାର୍ଜୀ । ଫିଲ୍ମଟି ଏହି ବର୍ଷ କ୍ରିଷ୍ଟମାସରେ ରିଲିଜ୍ କରିବାକୁ ଲକ୍ଷ୍ୟ ରଖାଯାଇଛି ।
