ମୁମ୍ବାଇ: 'ଗଙ୍ଗୁବାଇ କାଠିଆୱାଡି' ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ଏବଂ ରଣବୀର କପୁର କୋରୋନା ସଂକ୍ରମିତ ହେବା ପରେ ଆଲୟା ଭଟ୍ଟ ମଧ୍ୟ ନିଜର କୋଭିଡ -19 ଟେଷ୍ଟ କରିଥିଲେ । ନେଗେଟିଭ ଆସିଛି ତାଙ୍କ ରିପୋର୍ଟ । ନେଗେଟିଭ ଆସିବା ସତ୍ତ୍ବେ ମଧ୍ୟ ସେ ନିଜକୁ ଆଇସୋଲେଟ କରିଛନ୍ତି । ହେଲେ ବୟଫ୍ରେଣ୍ଡ ରଣବୀରଙ୍କ କୋରୋନା ପଜିଟିଭି କଥା ଶୁଣି ସୋସିଆଲ ମିଡିଆରେ ମନ କଥା କହିଥିଲେ ଅଭିନେତ୍ରୀ ।
ସେ ଇନଷ୍ଟାହଗ୍ରାମ ଷ୍ଟୋରିରେ ଏକ ପୋଷ୍ଟ କରି ମଙ୍ଗଳବାର ଲେଖିଥିଲେ, ‘ଆମେ ଯାହା ଦେଇ ଗତିକରୁ ସେଥିରେ ଆଗାକୁ ବଢୁ ।’
ପ୍ରକାଶ ଥାଉକି ରଣବୀରଙ୍କ କୋରୋନା ପଜିଟିଭି ଆସିବାର ସୂଚନା ସୋସିଆଲ ମିଡିଆରେ ଦେଇଥିଲେ ମା' ନୀତୁ କପୁର । ସେ ରଣବୀରଙ୍କ ଏକ ଫଟୋ ପୋଷ୍ଟ କରି ଜଣାଇ ଥିଲେ, ‘ଆପଣଙ୍କ ସ୍ନେହ ଓ ପ୍ରେମ ପାଇଁ ଧନ୍ୟବାଦ । ରଣବୀରଙ୍କ କୋରୋନା ରିପୋର୍ଟ ପଜିଟିଭି ବାହାରିଛି । ବର୍ତ୍ତମାନ ସେ ସୁସ୍ଥ ଅଛନ୍ତି ଏବଂ ଆଇସୋଲେସନରେ ରହି କୋରୋନାର ସବୁ ନିୟମ ପାଳନ କରୁଛନ୍ତି ।’
