ମୁମ୍ବାଇ: ବଲିଉଡ ଅଭିନେତ୍ରୀ ଗଙ୍ଗୁବାଇ ଫିଲ୍ମ ସୁଟିଂ ଶେଷ କରି ରଣବୀର କପୁରଙ୍କ ପରିବାର ସହିତ ନଜର ଆସିଛନ୍ତି । ସେ ନିଜ ଇନଷ୍ଟାଗ୍ରାମରେ ରଣବୀରଙ୍କ ପରିବାର ସହିତ ଫଟୋ ସେୟାର କରି ' ଫ୍ୟାମ-ଜାମ' ଲେଖି ପୋଷ୍ଟ କରିଛନ୍ତି । ଏହି ଫଟୋରେ ଆଲିଆଙ୍କ ସହିତ ନୀତୁ କପୁର, ଭଉଣୀ ରିଧିମା କପୁର, ଭାଣିଜୀ ସମାଇରା ଓ ରଣବୀର ରହିଛନ୍ତି ।
ରଣବୀରଙ୍କ ଭଉଣୀ ରିଧିମା ନିଜ ଇନଷ୍ଟାଗ୍ରାମର ଆକାଉଣ୍ଟର ଷ୍ଟୋରିରେ ଆଲିଆଙ୍କ ସହିତ 2ଟି ଫଟୋ ସେୟାର କରିଛନ୍ତି । ଯେଉଁଥିରେ ଆଲିଆ ରିଧିମା, ନୀତୁ ଓ ସମାଇରାଙ୍କ ସହିତ ପୋଜ ଦେଉଥିବାବେଳେ ଅନ୍ୟ ଫଟୋରେ ରଣବୀର ସମସ୍ତଙ୍କ ସହିତ ରହିଛନ୍ତି । ତେବେ ଆଲିଆ ଓ ରଣବୀରଙ୍କ ଏହି ଫଟୋ ଖୁବ ଭାଇରାଲ ହେବାରେ ଲାଗିଛି । ଇଣ୍ଟରନେଟରେ ଏହି ଫଟୋ ବହୁଳ ଭାବରେ ସେୟାର ହେଉଥିବା ଦେଖିବାକୁ ମିଳିଛି ।
ଆଲିଆ ରଣବୀରଙ୍କ ସହିତ ବିବାହ କରିବାକୁ ଯାଉଛନ୍ତି ବୋଲି ଖବର ମଧ୍ୟ ଶୁଣିବାକୁ ମିଳୁଛି । କିନ୍ତୁ ଉଭୟ ଏ ସମ୍ପର୍କରେ କୌଣସି ପ୍ରତିକ୍ରିୟା ରଖିଛନ୍ତି । ରଣବୀରଙ୍କ ସମ୍ପର୍କୀୟ ଭାଇ ଅରମାନ ଜେନଙ୍କ ବର୍ଥ ଡେ ପାର୍ଟିରେ ମଧ୍ୟ ଆଲିଆଙ୍କୁ ଦେଖିବାକୁ ମିଳିଥିଲା । ଦିବ୍ୟାଙ୍ଗ ଅଭିନେତା ରିଷି କପୁରଙ୍କ ମୃତ୍ୟୁ ସମୟରେ ମଧ୍ୟ ଆଲିଆ ରଣବୀରଙ୍କ ପରିବାର ସହିତ ଠିଆ ହୋଇଥିଲେ ।
- " class="align-text-top noRightClick twitterSection" data="
">
ଆଗାମୀ ଚଳଚ୍ଚିତ୍ର 'ବ୍ରହ୍ମାସ୍ତ୍ର'ରେ ଆଲିଆ ଓ ରଣବୀର ଅଭିନୟ କରିଥିବା ବେଳେ ଏହାର ମେକିଂ କାର୍ଯ୍ୟ ଜାରି ରହିଛି । ଆଲିଆ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ଗଙ୍ଗୁବାଇର ସୁଟିଂ ନିକଟରେ ଶେଷ କରିଛନ୍ତି ।
- " class="align-text-top noRightClick twitterSection" data="
">
ବ୍ୟୁରୋ ରିପୋର୍ଟ, ଇଟିଭି ଭାରତ
