ମୁମ୍ବାଇ: ବି-ଟାଉନର ଅକ୍କି ଅକ୍ଷୟ କୁମାରଙ୍କ ଅପକମିଂ ଫିଲ୍ମ ‘ହାଉସଫୁଲ 4’ ଏଥର ଦୀପାବଳିରେ ବ୍ଲାଷ୍ଟ କରିବାକୁ ଯାଉଛି । ଫିଲ୍ମରେ ପୁଣି ଥରେ ଦର୍ଶକ କମେଡି ଅଭିନେତା ରିତେଶ ଦେଶମୁଖ, ବବି ଦେଓଲଙ୍କ ଜବରଦସ୍ତ କମେଡି ଦେଖିବାକୁ ପାଇବେ । ଏହି ମଲ୍ଟି ଷ୍ଟାରର ଫିଲ୍ମଟି ରିଲିଜ ହେବାକୁ ମଧ୍ୟ ପ୍ରସ୍ତୁତ । କାରଣ ଦୀପାବଳି ଅବସରରେ ଫିଲ୍ମର ଜବରଦସ୍ତ ଧମାକା କରିବା ପାଇଁ ଏହି ତିନି ଅଭିନେତା କିଛି ଦିନରୁ ପ୍ରମୋଶନରେ ଖୁବ୍ ବ୍ୟସ୍ତ ନଜର ଆସୁଛନ୍ତି । କିନ୍ତୁ ହୁଏତଃ ଏହି ତିନି ଷ୍ଟାରଙ୍କ ସ୍ବପ୍ନ ଭାଙ୍ଗିପାରେ ।
କଥାଟି ହେଲା କି ‘ହାଉସଫୁଲ 4’କୁ ନେଇ ଦର୍ଶକଙ୍କ ମଧ୍ୟରେ ସେପରି ପାଗଳାମୀ ଦେଖିବାକୁ ମିଳୁନାହିଁ । ଯାହାର ଆଶା ବାନ୍ଧିଛନ୍ତି ମେକର୍ସ । ଏହାର ସୂଚନା ଫିଲ୍ମର ଆଡଭାନ୍ସ ବୁକିଂରୁ ଜଣାପଡୁଛି । କାରଣ ମାନ୍ଦା ପଡିଛି ‘ହାଉସଫୁଲ 4’ର ଆଡଭାନ୍ସ ବୁକିଂ ।
ଫେମସ ଟ୍ରେଡ ଏକ୍ସପର୍ଟ ସୁମିତ କଡେଲ ବୁଧବାର ଟ୍ବିଟରରେ ଫିଲ୍ମକୁ ନେଇ ଏହି ସୂଚନା ଦେଇଛନ୍ତି । ସେ ଏକ ପୋଷ୍ଟରେ ଲେଖିଥିଲେ କି ଅକ୍ଷୟଙ୍କ ‘ହାଉସଫୁଲ 4’ର ଆଡଭାନ୍ସ ବୁକିଂ ଆରମ୍ଭ ହୋଇଯାଇଛି । କିନ୍ତୁ ଏହା ଆଶା ଅନୁଯାୟୀ ନୁହେଁ । ସୁମିତଙ୍କ ଅନୁସାରେ ‘ହାଉସଫୁଲ 4’ର ଆଡଭାନ୍ସ ବୁକିଂ ମାନ୍ଦା ଗତିରେ ଚାଲିଛି । ଆଶା କରାଯାଉଛି ଯେ ଆଗାମୀ ଦିନରେ ଫିଲ୍ମର ଆଡଭାନ୍ସ ବୁକିଂ ବଢିପାରେ ।
ପ୍ରକାଶ ଥାଉକି ଏହି କମେଡି ଫିଲ୍ମରେ ଅଭିନେତ୍ରୀ କ୍ରିତି ସାନନ, ପୂଜା ହେଗଡେ, କ୍ରିତି ଖରବାନ୍ଦା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ‘ହାଉସଫୁଲ 4’ରେ ଦୁଇଟି କାହାଣୀ ଦେଖିବାକୁ ମିଳିବ । ଗୋଟିଏ ପାର୍ଟରେ ରାଜା ମହାରଜାଙ୍କ କାହାଣୀ ପର୍ଯ୍ୟବେଷିତ ହୋଇଥିବାବେଳେ ଆଜିର ଯୁବପିଢିଙ୍କ କାହାଣୀ ମଧ୍ୟ ରହିଛି ।
