ମୁମ୍ବାଇ: 2D ଫର୍ମାଟ ପରେ ଏବେ ଆସିଛି ୩D ଫର୍ମାଟ । ବଲିଉଡ ଖିଲାଡି ଅକ୍ଷୟ କୁମାରଙ୍କ ଅଭିନୀତ 'ବେଲ ବଟମ' ଚଳଚ୍ଚିତ୍ର 3D ଫର୍ମାଟରେ ପରଦାକୁ ଆସିବ । ଏହି ଫିଲ୍ମ ଅଗଷ୍ଟ ୧୯ରେ ରିଲିଜ ହେବ । 3D ଫର୍ମାଟ ନେଇ ଫ୍ୟାନ୍ସଙ୍କୁ ସୋସିଆଲ ମିଡିଆରେ ସୂଚନା ଦେଇଛନ୍ତି ଅକ୍ଷୟ କୁମାର ।
ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି ଅକ୍ଷୟ କୁମାର ଯେଉଁଥିରେ ସେ ନିଜେ ଏକ ୩D ଚଷମା ଲଗାଇଛନ୍ତି । ଏହା ସହିତ ଏକଦମ ଜୋସର ଅଗଷ୍ଟ ୧୯ରେ ଫିଲ୍ମ ବେଲ ବଟନକୁ ଉପଭୋଗ କରିବାକୁ କହିଛନ୍ତି ଅକ୍ଷୟ । ଏହି ଫିଲ୍ମ ଦେଖିବାକୁ ଦର୍ଶକମାନେ ବେଶ ଉତ୍ସାହିତ ଅଛନ୍ତି । ଜଣେ ଦର୍ଶକ ଉତ୍ସାହିତ ଭାବରେ ଫିଲ୍ମକୁ ଅପେକ୍ଷା କରିଛନ୍ତି ବୋଲି କମେଣ୍ଟରେ କହିଛନ୍ତି ।
ବେଲ ବଟମ ଫିଲ୍ମରେ ନିର୍ଦ୍ଦେଶନା ଦେଇଛନ୍ତି ରଞ୍ଜିତ ଏମ ତିୱାରୀ । ଅକ୍ଷୟ କୁମାରଙ୍କ ସହିତ ଲାରା ଦତ୍ତ, ବାଣୀ କପୁର ଏବଂ ହୁମା ଖୁରେସୀ ମଧ୍ୟ ଏହି ଚଳଚ୍ଚିତ୍ରରେ ନଜର ଆସିବେ । ଏହା ଏକ ସ୍ପାଏ ଥ୍ରିଲର ଫିଲ୍ମ । ଏହାର ପ୍ରଯୋଜକ ହେଉଛନ୍ତି ବସୁ ଭାଗନାନୀ, ଜ୍ୟାକି ଭାଗନାନୀ,ଦୀପଶିଖା ଦେଶମୁଖ, ମନିଶା ଆଡଭାନୀ ଓ ମଧୁ ଭୋଜୱାନି ।
@ANI
