ମୁମ୍ବାଇ: ଅକ୍ଷୟ କୁମାର ଗତ ବର୍ଷ ରିଲିଜ ହୋଇଥିବା ମ୍ୟୁଜିକାଲ ଭିଡିଓ ‘ଫିଲହାଲ’ ଜରିଆରେ ଅଭିନେତ୍ରୀ କ୍ରିତି ସାନନଙ୍କ ଭଉଣୀ ନୂପୁର ସାନନ ଅଭିନୟରେ ଡେବ୍ୟୁ କରିଥିଲେ। ଗୀତରେ ତାଙ୍କ ଅଭିନୟକୁ ଖୁବ୍ ପସନ୍ଦ କରିଥିଲେ ଦର୍ଶକ। ଏବେ ଏହି ଗୀତର ସିକ୍ବେଲ ଖୁବଶୀଘ୍ର ନିର୍ମାଣ ହେବାକୁ ଯାଉଛି। ହେଲେ ଏହା ପୂର୍ବରୁ ନୂପୁର ସଙ୍ଗୀତ ଦୁନିଆରେ ପଦାର୍ପଣ କରିଛନ୍ତି। ଗୁରୁବାର ତାଙ୍କ ଗୀତ ‘ଫିଲହାଲ’ ଅନପ୍ଲଗ୍ଡ ଭର୍ସନକୁ ରିଲିଜ କରାଯାଇଛି। ଏହି ଅବସରରେ ନୂପୁର ଗାୟକ ବି. ପ୍ରାକଙ୍କ ହିଟ୍ ଗୀତ ‘ଫିଲହାଲ’ ଅନପ୍ଲଗ୍ଡ ଭର୍ସନ ନିଜ ଟ୍ବିଟରରେ ସେୟାର କରିଛନ୍ତି।
- " class="align-text-top noRightClick twitterSection" data="">
ଏହି ଭିଡିଓରେ ଅତିଥି ଅଭିନେତା ରୂପେ ନଜର ଆସୁଛନ୍ତି ଅକ୍ଷୟ। ଯାହାର ଝଲକ ଗୀତର ଭିଡିଓରେ ଦେଖିବାକୁ ମିଳୁଛି । ନୂପୁର ଗୀତର ଲିଙ୍କ ସେୟାର କରି କ୍ୟାପସନରେ ଲେଖିଛନ୍ତି, ‘କେବଳ ମଜାକ ପାଇଁ ବଲିଉଡ ଗୀତକୁ ୟୁଟ୍ୟୁବ କଭର ନିର୍ମାଣ କରିବା ପରେ ପରିଶେଷରେ ନିଜର ପ୍ରଥମ ଗୀତ କଭର ନିର୍ମାଣ କରିବା। ଏହି ଅନୁଭବ ବଡ ସ୍ବପ୍ନ ପରିକା ଲାଗୁଛି। ଗୋଟିଏ ସୁନ୍ଦର ସରପ୍ରାଇଜ ପାଇଁ ଭିଡିଓଟିକୁ ଶେଷ ପର୍ଯ୍ୟନ୍ତ ଦେଖନ୍ତୁ। ଗୀତରେ ମୋ ହୃଦୟର ସବୁ ଅନୁଭବକୁ ମିଶାଇ ଦେଇଛି। ଆଶା କରୁଛି ଆପଣଙ୍କୁ ଏହା ପସନ୍ଦ ଆସିବ। ସମର୍ଥନ ପାଇଁ ଧନ୍ୟବାଦ।’
ପ୍ରକାଶ ଥାଉକି ‘ଫିଲହାଲ’ ମେକର୍ସ ନିକଟରେ ଏହାର ସିକ୍ବେଲର ଘୋଷଣା କରିଥିଲେ । ଏଥିରେ କେଉଁ ଷ୍ଟାରକାଷ୍ଟ ନଜର ଆସିବେ ତାହା ନେଇ ଏଯାବତ କୌଣସି ଘୋଷଣା ହେଉନାହିଁ ।
