ହାଇଦ୍ରାବାଦ: ବଲିଉଡର 'ରାୱଲପିଣ୍ଡି ଏକ୍ସପ୍ରେସ' ଅକ୍ଷୟ କୁମାର ଶୀଘ୍ର ଏବଂ ଅଧିକ ଚଳଚ୍ଚିତ୍ର ନିର୍ମାଣ ପାଇଁ ଚର୍ଚ୍ଚିତ। ବର୍ତ୍ତମାନ ଅଭିନେତାଙ୍କ ହାତରେ ଦଶରୁ ଅଧିକ ଚଳଚ୍ଚିତ୍ର ଅଛି ଏବଂ ସେ ଗୋଟିଏ ପରେ ଗୋଟିଏ ଫିଲ୍ମର ସୁଟିଂ ଶେଷ କରୁଛନ୍ତି । ବର୍ତ୍ତମାନ ଅକ୍ଷୟ କୁମାର ଫିଲ୍ମ 'ରାମ ସେତୁ'ର ସୁଟିଂ ଶେଷ କରିଛନ୍ତି ଏବଂ ସେଟରୁ ଶେଷ ଦିନର ଭିଡିଓ ସେୟାର କରିଛନ୍ତି ।
ଅକ୍ଷୟ କୁମାର ସୋମବାର ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି କହିଛନ୍ତି ଯେ ସେ ଫିଲ୍ମ 'ରାମ ସେତୁ' ଶେଷ କରିଛନ୍ତି ଏବଂ ଆଜି ଫିଲ୍ମର ଶେଷ ଦିନ। ଏହି ଭିଡିଓ ସହିତ ଅକ୍ଷୟ କୁମାର କ୍ୟାପସନରେ ଲେଖିଛନ୍ତି, 'ଆଉ ଏକ ମଜାଦାର ପ୍ରୋଜେକ୍ଟ ରାମ ସେତୁ ଶେଷ କରିସାରିଛି, ଫିଲ୍ମ କରିବା ସମୟରେ ବହୁତ କିଛି ଶିଖିଲି, ଏହା ଏକ ସ୍କୁଲ ଅଭିଜ୍ଞତା ପରି ଥିଲା, ଆମେ ସମସ୍ତେ କଠିନ ପରିଶ୍ରମ କରିଛୁ, ବର୍ତ୍ତମାନ କେବଳ ଆପଣଙ୍କ ଭଲପାଇବା ଦରକାର'।
ନିକଟରେ ଅକ୍ଷୟ କୁମାରଙ୍କ ହାତରେ ଓସ୍କାର ଯାଇଥିବା ତାମିଲ ଚଳଚ୍ଚିତ୍ର 'ସୋରାରଇ ପୋଟ୍ରୁ'ର ହିନ୍ଦୀ ରିମେକ ଲାଗିଛି। ଗଣମାଧ୍ୟମ ରିପୋର୍ଟ ଅନୁଯାୟୀ ଅକ୍ଷୟ କୁମାର ଫିଲ୍ମକୁ ହଁ କହିଛନ୍ତି ଏବଂ ବର୍ତ୍ତମାନ ସରକାରୀ ଘୋଷଣାକୁ ଅପେକ୍ଷା କରିଛନ୍ତି । ତାମିଲ ସୁପରଷ୍ଟାର ସୁରିଆ 'ସୋରାରଇ ପୋଟ୍ରୁ'ରେ ବାୟୁସେନା ଅଧିକାରୀଙ୍କ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରଟି ବଡ଼ ହିଟ୍ ପ୍ରମାଣିତ ହୋଇଥିଲା।
ବ୍ୟୁରୋ ରିପୋର୍ଟ, ଇଟିଭି ଭାରତ
