ମୁମ୍ବାଇ: କୋରୋନା ମହାମାରୀରେ ଏଯାବତ ଦେଶରେ 1 ଲକ୍ଷରୁ ଅଧିକ ଲୋକ ସଂକ୍ରମିତ ହୋଇସାରିଲେଣି । ସେହିପରି ଏଥିରେ ପାଖାପାଖି 4 ହଜାର ଲୋକଙ୍କ ପ୍ରାଣ ଚାଲିଗଲାଣି। ଏହି ସଂକ୍ରମଣରୁ ବଞ୍ଚିବା ପାଇଁ ଦେଶରେ ଏବେ ଚତୁର୍ଥ ପର୍ଯ୍ୟାୟ ଲକଡାଉନ ଚାଲିଛି । ଯାହାର ପ୍ରଭାବ ପ୍ରବାଶୀ ଶ୍ରମିକ, ଦିନ ମଜୁରିଆଙ୍କ ଉପରେ ପଡିଛି । ସେପଟେ ଫିଲ୍ମ ଇଣ୍ଡଷ୍ଟ୍ରିରେ ମଧ୍ୟ ଏହି ଅବସ୍ଥା । ପ୍ରତିଦିନ ରୋଜଗାର କରି ପରିବାର ପୋଷୁଥିବା ଲୋକଙ୍କ ପାଖରେ ଏବେ କାମ ନାହିଁ । ହେଲେ ଏମାନଙ୍କ ସାଥ ଦେଇଛନ୍ତି ବି-ଟାଉନର ଖିଲାଡି ଅକ୍ଷୟ କୁମାର। ସେ ପୁଣିଥର ସହଯୋଗର ହାତ ବଢାଇ ସମସ୍ତଙ୍କ ମୁହଁରେ ହସ ଫୁଟାଇଛନ୍ତି ।
ସେ ସିନେ ଆଣ୍ଡ ଟିଭି ଆର୍ଟିଷ୍ଟ ଆସୋସିଏସନ୍ (ସିଣ୍ଟା) ସହିତ ଜଡିତ 1500 ସଦସ୍ୟଙ୍କୁ ସାହାଯ୍ୟ କରିଛନ୍ତି । ସେ ସିଣ୍ଟାକୁ 45 ଲକ୍ଷ ଟଙ୍କା ଦାନ କରିଛନ୍ତି।
ଏହାର ସୂଚନା ସିଣ୍ଟାର ସଚିବ ଅମିତ ବହଲ । ଏକ ସାକ୍ଷାତକାରରେ ସେ କହିଛନ୍ତି ଯେ ଅକ୍ଷୟ ସହାୟତା ପାଇଁ ସିଣ୍ଟାକୁ 45 ଲକ୍ଷ ଟଙ୍କା ଦାନ କରିଛନ୍ତି। ଅତୀତରେ ସିଣ୍ଟା ସହିତ ଜଡିତ 1500 କଳାକାର ଏବଂ ଶ୍ରମିକଙ୍କ ଆକାଉଣ୍ଟରେ ଆମେ 3 ହଜାର ଟଙ୍କା ଜମା କରିଛୁ।
ପ୍ରକାଶ ଥାଉକି ପ୍ରଥମଥର ଏମିତି ହୋଇନାହିଁ ଯେ ଅକ୍ଷୟ ଦାନ କରିଛନ୍ତି। ସେ ପୂର୍ବରୁ ମଧ୍ୟ ପ୍ରଧାନମନ୍ତ୍ରୀଙ୍କ ରିଲିଫ ପାଣ୍ଠିକୁ 25 କୋଟି ଦାନ ଦେଇଥିଲେ।
