ଖିଲାଡି ସେୟାର କଲେ ଯବାନଙ୍କ ମନଛୁଆଁ ଭିଡିଓ

ଭାରତୀୟ ଯବାନ ମାନଙ୍କ ପାଇଁ ଅକ୍ଷୟ କୁମାରଙ୍କ ମନରେ ସବୁବେଳେ ସ୍ବତନ୍ତ୍ର ସ୍ଥାନ ଦେଖିବାକୁ ମିଳେ । ନିକଟରେ ଏକ ଭିଡିଓ ସେୟାର କରି ଫ୍ୟାନ୍ସଙ୍କ ମନକୁ କିଣିନେଇଛନ୍ତି ।

ହାଇଦ୍ରାବାଦ: କାରଗିଲ ଯୁଦ୍ଧ ଦିବସକୁ ଆଉ ମାତ୍ର ଗୋଟେ ଦିନ । କାରଗିଲ ଦିବସ ପୂର୍ବରୁ ବଲିଉଡ ଅଭିନେତା ଅକ୍ଷୟ କୁମାର ନିଜ ଟ୍ବିଟର ହାଣ୍ଡେଲ ଏକ ମନଛୁଆଁ ଭିଡିଓ ସେୟାର କରିଛନ୍ତି । ଭିଡିଓରେ କିଛି ଯବାନ ଦେଶଭକ୍ତି ଗୀତ ଗାଉଥିବାର ଦେଖିବାକୁ ମିଳିଛି ।

କେଶରୀ ଫିଲ୍ମର ଗୀତ ‘ତେରି ମିଟି’ ଗାଉଥିବାର ଭିଡିଓରେ ଦେଖିବାକୁ ମିଳିଛି । ଭିଡିଓକୁ ସୋସିଆଲ ମିଡିଆରେ ବହୁଳ ମାତ୍ରାରେ ସେୟାର କରାଯାଉଛି । ଅକ୍ଷୟ ଏହି ଭିଡିଓ ସେୟାର କରିବା ସହ ଦେଶର ବୀର ମାନଙ୍କୁ ସାଲ୍ୟୁଟ କରିଛନ୍ତି ।