ମୁମ୍ବାଇ: ଲକଡାଉନ ପାଇଁ ସହରରେ ଫସି ରହିଥିବା ଶ୍ରମିକ, ଦିନ ମଜୁରିଆଙ୍କ ପାଇଁ ନିର୍ମାଣ ହୋଇଥିବା ଆଶ୍ରୟ ଗୃହରେ ନାଗପୁର ପୋଲିସ ନିଜର ଥିୟଟର ସ୍ଥାପିତ କରିଛି। ଯେଉଁଥିରେ ଶ୍ରମିକ, ଦିନ ମଜୁରିଆଙ୍କୁ ମନୋରଞ୍ଜନ କରିବା ପାଇଁ ଫିଲ୍ମର ସ୍କ୍ରିନିଂ ମଧ୍ୟ ଆରମ୍ଭ କରାଯାଇଛି। ଥିୟଟରରେ ପ୍ରଦର୍ଶିତ ହୋଇଥିବା ପ୍ରଥମ ଫିଲ୍ମ ବି-ଟାଉନର ସିଂଘମ ଅଜୟ ଦେବଗନଙ୍କ ‘ତାନାଜୀ: ଦ ଅନସଙ୍ଗ ୱାରିୟ।’
ନାଗପୁର ସିଟି ପୋଲିସ ଏହାର ସୂଚନା ନିଜ ଟ୍ବିଟର ହ୍ୟାଣ୍ଡଲରେ ଦେଇଛି । ଏହାସହ ଲେଖାଯାଇଛି, ‘ଫିଲ୍ମ ଦେଖିବା ଦ୍ବାରା ଧ୍ୟାନ ଆକାର୍ଷିତ ହୋଇଥାଏ । ଆଉ ଏହା ଚିନ୍ତାକୁ କମ କରିବାର ଶାନଦାର ଉପାୟ। ନାଗପୁର ପୋଲିସ ସେଲ୍ଟର ହୋମ୍ସରେ ଏକ ଖୋଲା ଥିୟଟର ସ୍ଥାପିତ କରିଛି।’ ଏହି ଟ୍ବିଟରେ ଅଜୟଙ୍କୁ ମଧ୍ୟ ଟ୍ୟାଗ କରିଛି ।
ସେପଟେ ଅଜୟ ଏହା ଉପରେ ପ୍ରତିକ୍ରିୟା ଦେଇ ଲେଖିଛନ୍ତି, ‘ଯଦି ମୁଁ କିମ୍ବା ମୋର କୌଣସି ବି ଫିଲ୍ମ ସାହାଯ୍ୟ କରିପାରୁଛି । ତେବେ ଏହାକୁ ନେଇ ମୁଁ ବହୁତ ଖୁସି ହେବି। ଆପଣଙ୍କ ଦ୍ବାରା କରାଯାଉଥିବା ମହାନ ପ୍ରୟାସକୁ ଧନ୍ୟବାଦ।
