ହାଇଦ୍ରାବାଦ: ବଲିଉଡ ସିଙ୍ଗର ମିକା ସିଂହଙ୍କୁ ବ୍ୟାନ କରିଛି AICWA(All india cine workers association) । ପାକିସ୍ତାନ କରାଚିରେ ପରଭେଜ ମୁସାରଫଙ୍କ ସମ୍ପର୍କୀୟଙ୍କ ବିବାହରେ ଗୀତ ଗାଇ ଫସିଛନ୍ତି ମିକା । ଦେଶର ଏପରି ସମ୍ବେଦନଶୀଳ ସମୟରେ କେଉଁ ପରିସ୍ଥିତିରେ ମିକା ପଡୋଶୀ ଶତ୍ରୁ ରାଷ୍ଟ୍ରରେ ଯାଇ ଗୀତ ଗାଇଲେ ସେ ନେଇ ହଇଚଇ ସୃଷ୍ଟି ହୋଇଛି । ଯାହାକୁ ନେଇ ପରେ ମିକାଙ୍କ ଫ୍ୟାନ୍ସ ଅସନ୍ତୋଷ ପ୍ରକାଶ କରିଥିଲେ ।
ଗତ ସପ୍ତାହରେ ଆର୍ଟିକିଲ-370ର ପୁର୍ନଗଠନ କରାଗଲା ଫଳରେ ବର୍ତ୍ତମାନ ପାକିସ୍ତାନ ମୁଣ୍ଡରେ ଚଡକ ପଡିଛି । ନିଜ ଜାଲରେ ଫସିବାରେ ବ୍ୟସ୍ତ ଏବେ ପାକିସ୍ତାନ । ମିକା ଏଭଳି ପରିସ୍ଥିତିରେ ପାକିସ୍ତାନରେ ଗୀତ ଗାଇବା ସୋସିଆଲ ମିଡିଆ ୟୁଜର୍ସଙ୍କୁ ନିରାଶ କରିଛି । ତେଣୁ AICWA ଏକ ଅଫିସିଆଲ ଷ୍ଟେଟମେଣ୍ଟ ଜାରି କରି ମିକାଙ୍କୁ ବ୍ୟାନ କରିଛି ।
AICWA କହିବା ମୁତାବକ, ବଲିଉଡର କୌଣସି ନିର୍ଦ୍ଦେଶକଙ୍କ ସହ ମିକା କାମ କରିପାରିବେ ନାହିଁ । ମିକା ନିଜ ଦେଶର ଗର୍ବ ଗୌରବକୁ ଖାତିର କରୁନାହାଁନ୍ତି ବୋଲି ମଧ୍ୟ ସଂଗଠନ କହିଛି । ବର୍ତ୍ତମାନ ସୂଚନା ଓ ପ୍ରସାରଣ ବିଭାଗକୁ ମଧ୍ୟ ଏହି ମାମଲାର ବିଚାର କରିବାକୁ କହିଛି ସଂଗଠନ ।
