ମୁମ୍ବାଇ: ସୁପରହିଟ୍ ଫିଲ୍ମ ‘ଉରି: ଦ ସର୍ଜିକାଲ ଷ୍ଟ୍ରାଇକ’ରେ ଦର୍ଶକ ଭାରତୀୟ ସେନାଙ୍କ ସାହସ ଏବଂ ଜବାବ ଦେଖିସାରିବା ପରେ ଏବେ ଆଉ ଏକ ବାସ୍ତବ କାହାଣୀ ପରଦାରେ ଦେଖିବାକୁ ଯାଉଛନ୍ତି । ଖୁବଶୀଘ୍ର ବଲିଉଡରେ ନିର୍ମାଣ ହେବାକୁ ଯାଉଛି ସିଆଚୀନ ୱାରିୟର୍ସଙ୍କ ଉପରେ ଫିଲ୍ମ । ଯାହାର ନିର୍ଦ୍ଦେଶନା ସଞ୍ଜୟ ଶେଖର ସେଟ୍ଟୀ କରିବେ । ସେହିପରି ପୀୟୂଷ ଗୁପ୍ତା ଓ ଗୌତମ ବେଦ ଫିଲ୍ମର କାହାଣୀ ଲେଖିବେ। ଯାହା ବାସ୍ତବ କାହାଣୀକୁ ନେଇ ଆଧାରିତ ।
ହିନ୍ଦୀ ସିନେମାର ଫେମସ ପ୍ରଯୋଜକ, ନିର୍ଦ୍ଦେଶକ କରନ ଜୋହର ସୋସିଆଲ ମିଡିଆ ଜରିଆରେ ଏହି କଥାର ସୂଚନା ଦେଇଛନ୍ତି । ସେ ଜଣାଇଛନ୍ତି ତାଙ୍କ ବନ୍ଧୁ ନିତେଶ ତିୱାର ଓ ଅଶ୍ବିନୀ ଆୟାରଙ୍କ ନୂଆ ଫିଲ୍ମ ସିଆଚୀନ ୱାରିୟର୍ସ ନେଇ ପରଦାକୁ ଫେରିବେ । ଏଥିରେ ଭାରତୀୟ ସେନାଙ୍କ ସଂଘର୍ଷମୟ, ସାହାସୀ କାହାଣୀକୁ ପର୍ଯ୍ୟବେସିତ କରାଯିବ।
ଅନ୍ୟପଟେ ଫିଲ୍ମ କ୍ରିଟିକ୍ସ ତରଣ ଆଦର୍ଶ ମଧ୍ୟ ଟ୍ବିଟରେ ଏହି ଫିଲ୍ମର ଘୋଷଣା କରି ଦର୍ଶକଙ୍କୁ ସୂଚନା ଦେଇଛନ୍ତି । ହେଲେ ଏଯାବତ ଫିଲ୍ମର ଷ୍ଟାରକାଷ୍ଟଙ୍କ ଘୋଷଣା ହୋଇନାହିଁ । ସେହିପରି ଫିଲ୍ମର ଟାଇଟଲ ମଧ୍ୟ ଘୋଷଣା ହୋଇନାହିଁ ।
