ମୁମ୍ବାଇ: ୱେବ ସିରିଜ ‘ପାତାଲ ଲୋକ’ ଷ୍ଟ୍ରିମିଂ ଗତ ଶୁକ୍ରବାର ଆମାଜନ ପ୍ରାଇମ ଭିଡିଓରେ ଆରମ୍ଭ ହୋଇଥିଲା। ଯାହାକୁ ଦର୍ଶକଙ୍କଠୁ ନେଇ କ୍ରିଟିକ୍ସଙ୍କ ଶାନଦାର ପ୍ରତିକ୍ରିୟା ମିଳିଛି। ଏହି ସିରିଜ ଜରିଆରେ ଅନୁଷ୍କା ଡିଜିଟାଲ ଡେବ୍ୟୁ କରିଛନ୍ତି। ଏହାର ବଡ ସଫଳତା ପରେ ଅଭିନେତ୍ରୀ ଅନୁଷ୍କା ଶର୍ମା ଆଉ ଏକ କ୍ରାଇମ ଥ୍ରିଲର ସିରିଜ ପ୍ରଯୋଜନା କରିବାକୁ ନିଷ୍ପତ୍ତି ନେଇଛନ୍ତି। ଶୁଣିବାକୁ ମିଳୁଛି ଯେ ଏହି ସିରିଜରେ ଟେଲି ଜଗତର ଫେମସ ଅଭିନେତ୍ରୀ ସାକ୍ଷୀ ତନୱର ନଜର ଆସିବେ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇବେ ଅତୁଲ ମୋଙ୍ଗିୟା । ସେହିପରି ଅନୁଷ୍କାଙ୍କ ପ୍ରଡକ୍ସନ ହାଉସରେ ଏହାର ପ୍ରଯୋଜନା କରାଯିବ ।
ସାକ୍ଷୀଙ୍କ ବ୍ୟତୀତ ସିରିଜରେ ନଜର ଆସିବେ ସୀମା ପାହୱା । ସେ ଏଥର ଭିନ୍ନ ଅନ୍ଦାଜରେ ଦେଖାଯିବେ। ଏମିତି ରୋଲ ଯାହା ସେ କେବେ ପୂର୍ବରୁ କରିନାହାଁନ୍ତି । ଏହି ଦୁଇ ଅଭିନେତ୍ରୀଙ୍କ ବ୍ୟତୀତ ଅନ୍ୟ ଷ୍ଟାରକାଷ୍ଟଙ୍କ ନାମ ଏଯାବତ ଘୋଷଣା କରାଯାଇନାହିଁ।
ପ୍ରକାଶ ଥାଉକି ଅନୁଷ୍କାଙ୍କ ଏହି ଆଗାମୀ ସିରିଜ ଅଣ୍ଡରୱାର୍ଲ୍ଡ ଉପରେ ଆଧାରିତ ହେବ। ସେହିପରି ଏହାର ସୁଟିଂ ଲକ୍ଷ୍ନୌରେ ଆରମ୍ଭ ହୋଇଥାଆନ୍ତା । ହେଲେ କୋରୋନା ଭାଇରସ ପାଇଁ ସୁଟିଂ ସ୍ଥଗିତ ରଖାଯାଇଛି।
