ମୁମ୍ବାଇ: ବି-ଟାଉନର ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର ଓ ଦିଶା ପଟାନୀଙ୍କ ଅଭିନୀତ ଫିଲ୍ମ ‘ମଲଙ୍ଗ’ ଗତ ଶୁକ୍ରବାର ରିଲିଜ ହୋଇଥିଲା । ଏହି ଫିଲ୍ମ ସହ ଫେମସ ନିର୍ମାତା ବିଦୁ ବିନୋଦ ଚୋପ୍ରାଙ୍କ ନିର୍ଦ୍ଦେଶିତ ଫିଲ୍ମ ‘ଶିକାରା’ ମଧ୍ୟ ରିଲିଜ ହୋଇଥିଲା । ଏହି ଫିଲ୍ମକୁ ପଛରେ ପକାଇଛି ‘ମଲଙ୍ଗ’। ଓପନିଂ ଡେରେ ଫିଲ୍ମ ‘ମଲଙ୍ଗ’ର ଜବରଦସ୍ତ ପ୍ରଦର୍ଶନ ଦେଖିବାକୁ ମିଳିଥିଲା । ୱିକେଣ୍ଡର ଗଣନା ଅନୁଯାୟୀ ଦେଖିଲେ ଏହି ଫିଲ୍ମ ଆଦିତ୍ୟଙ୍କ ଏଯାବତର ସବୁଠାରୁ ବଡ ହିଟ୍ ଫିଲ୍ମ ସାଜିଛି।
ଓପନିଂ ଡେରେ ‘ମଲଙ୍ଗ’ ପାଖାପାଖି 7 କୋଟି ଟଙ୍କା ଆୟ କରିବାରେ ସଫଳ ହୋଇଥିଲା । ସେହିପରି ୱିକେଣ୍ଡରେ ଫିଲ୍ମର ଆୟରେ ଲାଭ ଦେଖିବାକୁ ମିଳିଥିଲା । ଫିଲ୍ମ ଶନିବାର 8.89 କୋଟି କଲେକ୍ସନ କରିଥିବା ବେଳେ ରହିବାର ଫିଲ୍ମଟି 9.76 କୋଟି ଟଙ୍କା ଆୟ କରିଥିଲା ।
ଆଉ ସୋମବାର 4.04 କୋଟି ଟଙ୍କା । ଫିଲ୍ମ କ୍ରିଟିକ ଓ ଟ୍ରେଡ ଆନାଲିଷ୍ଟ ତରଣ ଟ୍ବିଟରରେ ଫିଲ୍ମ କଲେକ୍ସନର ସୂଚନା ଦେଇଛନ୍ତି । ଏହାସହ ସେ ଜଣାଇଛନ୍ତି ‘ମଲଙ୍ଗ’ ଆଦିତ୍ୟଙ୍କ କ୍ୟାରିୟରର ସବୁଠାରୁ ବଡ ସଫଳ ଫିଲ୍ମ ସାବ୍ୟସ୍ତ ହୋଇଛି। ଆଦିତ୍ୟଙ୍କ ‘ଆଶିକି-2’, ‘ଦାୱତ-ଏ-ଇଶକ’, ‘ଫିତୁର’, ‘ଓକେ ଜାନୁ’ ତୁଳନାରେ ୱିକେଣ୍ଡରେ ସବୁଠାରୁ ଅଧିକ ଆୟ କରିଛି ‘ମଲଙ୍ଗ’।
ମୋହିତ ସୁରିଙ୍କ ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ ୱିକେଣ୍ଡରେ ପାଖାପାଖି 29.40 କୋଟି ଟଙ୍କା ଆୟ କରିବାରେ ସଫଳ ହୋଇଛି । ଫିଲ୍ମରେ ଆଦିତ୍ୟ ଓ ଦିଶାଙ୍କ ବ୍ୟତୀତ ଅନିଲ କପୁର ଓ କୁନାଲ ଖେମୁଙ୍କ ଦମଦାର ଅଭିନୟ ଦେଖିବାକୁ ପାଉଛନ୍ତି ଦର୍ଶକ।
