ମୁମ୍ବାଇ: 2019ରେ ବଲିଉଡର ଲୋକପ୍ରିୟ ଅଭିନେତା ନାନା ପାଟେକରଙ୍କ ଉପରେ ଯୌନ ଶୋଷଣ ଅଭିଯୋଗ ଆଣି ଭାରତରେ ମି ଠୁ ଅଭିଯାନ ଆରମ୍ଭ କରିଥିଲେ ଅଭିନେତ୍ରୀ ତନୁଶ୍ରୀ ଦତ୍ତା । ଯାହା ଚର୍ଚ୍ଚାର ବିଷୟ ପାଲଟିଥିଲା । ଏହି ଅଭିଯାନରେ ଅନେକ ତାଙ୍କ ସମର୍ଥନରେ ଥିବା ବେଳେ କିଛି ତାଙ୍କ ବିରୋଧରେ ମଧ୍ୟ ନଜର ଆସିଥିଲେ । ଆଉ ଏବେ ନିଜ ଫିଲ୍ମ କ୍ୟାରିୟର ବିଷୟରେ ଆଲୋଚନା କରି ପୁଣି ଚର୍ଚ୍ଚାରେ ଅଭିନେତ୍ରୀ ।
ସେ କହିଛନ୍ତି, ‘ମୁଁ ମୋର ଆଗାମୀ ପ୍ରୋଜେକ୍ଟ ଗୁଡିକକୁ ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରିରେ ମୋ ଦ୍ବିତୀୟ ଇନିଂସ ରୂପେ ନୁହେଁ ବରଂ କ୍ୟାରିୟରର ଏକ ବିସ୍ତାର ଭାବରେ ଦେଖୁଛି।’
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
ସେ ଏକ ସାକ୍ଷାତକାରରେ ଯୋଗ ଦେଇ ନିଜ ଆଗାମୀ ପ୍ରୋଜେକ୍ଟ ବିଷୟରେ ଏମିତି କହିଥିଲେ । ହେଲେ ଏଯାବତ ତାଙ୍କ ଅପକମିଂ ଫିଲ୍ମକୁ ନେଇ ଅଧିକା ସୂଚନା ସାମ୍ନାକୁ ଆସିନାହିଁ । ଫ୍ୟାନ୍ସଙ୍କୁ ଜାଣିବା ପାଇଁ ହୁଏତଃ କିଛି ଦିନ ଅପେକ୍ଷା କରିବାକୁ ପଡିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
