ମୁମ୍ବାଇ: ବ୍ୟାକ ଟୁ ବ୍ୟାକ ଫିଲ୍ମ ନେଇ ଫେରିବେ ତାପସୀ ପନ୍ନୁ । ନିକଟରେ ସେ ଚର୍ଚ୍ଚିତ ଫିଲ୍ମ ‘ହସୀନ ଦିଲରୁବା’ର ସୁଟିଂ ଶେଷ କରିଥିଲେ । ଏହି ଫିଲ୍ମରେ ତାଙ୍କ ସହ ନଜର ଆସିବେ ହର୍ଷବର୍ଦ୍ଧନ ରାଣେ ଓ ବିକ୍ରାନ୍ତ ମେସୀ । ଏହାବ୍ୟତୀତ ସେ ଆଗାମୀ ଫିଲ୍ମ ‘ରଶ୍ମୀ ରକେଟ’କୁ ନେଇ ମଧ୍ୟ ଚର୍ଚ୍ଚାରେ । ଯାହାର ସୁଟିଂରେ ସେ କିଛି ଦିନ ପୂର୍ବରୁ ଆରମ୍ଭ କରିଥିଲେ । ଫିଲ୍ମରେ ସେ ଜଣେ ଆଥିଲେଟିକ ରୂପେ ନଜର ଆସିବେ । ଏବେ ସେ ଫିଲ୍ମ ପାଇଁ ନେଉଥିବା ଟ୍ରେନିଂ ବିଷୟରେ ସମସ୍ତଙ୍କୁ ଜଣାଇଛନ୍ତି । ଆଉ ଟିମ ଉପରେ କରିଛନ୍ତି ମଜାକ ।
‘ପିଙ୍କ’ ଅଭିନେତ୍ରୀ ତାପସୀ ଇନଷ୍ଟାଗ୍ରାମରେ ନିଜ ଟ୍ରେନିଂ ସେଶନର କିଛି ଫଟୋ ପୋଷ୍ଟ କରିଛନ୍ତି । ଯେଉଁଥିରେ ସେ ବ୍ଲାକ ଟ୍ୟାଙ୍କ ଟପ ସହ ହ୍ବାଇଟ କଲର ପ୍ୟାଣ୍ଟ ପିନ୍ଧିଥିବାର ନଜର ଆସୁଛନ୍ତି । ସେହିପରି କିଛି ଫଟୋରେ ସେ ସ୍କିପିଂ ଓ ରନିଂ କରୁଥିବାର ଦେଖାଯାଉଛନ୍ତି ।
ଆଉ ଏହାର କ୍ୟାପସନରେ ଲେଖିଛନ୍ତି, ‘ଆଶା । ସ୍କିପିଂ ରନିଂ ରିପିଟ । ରଶ୍ମୀ ରକେଟ ଟିମ ମତେ ନିର୍ଯାତନା ଦେଉଛନ୍ତି । ଟେକ୍ନିକାଲି ମୋ ମସଲ୍ସକୁ । ଯୁଦ୍ଧ ଦାଗ ।’ ଆପଣ ବି ଦେଖନ୍ତୁ ଫଟୋ...
- " '="" class="align-text-top noRightClick twitterSection" data="
">
ପ୍ରକାଶ ଥାଉକି ‘ହସୀନ ଦୁଲରୁବା’ ଫିଲ୍ମ ସୁଟିଂ ଶେଷ କରିବା ପରେ ତାପସୀ ‘ରଶ୍ମୀ ରକେଟ’ ଫିଲ୍ମର ସୁଟିଂ ଆରମ୍ଭ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
