ମୁମ୍ବାଇ: ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ଓ ତାହିର ରାଜ ଭାସିନଙ୍କ ସ୍ପୋର୍ଟ୍ସ ଡ୍ରାମା ଫିଲ୍ମ ‘ଲୁପ୍ ଲପେଟା’ଙ୍କୁ ନେଇ ଦୀର୍ଘ ସମୟରୁ ଚର୍ଚ୍ଚା । ଗତ 12 ତାରିଖରେ ଗୋଆର ଫିଲ୍ମ ସୁଟିଂ ଶେଷ କରିଥିଲେ ତାପସୀ । ଆଉ ଏବେ ସୋସିଆଲ ମିଡିଆରେ ତାହିରଙ୍କ ସହ ନିଜର ଏକ ରୋମାଣ୍ଟିକ ଫଟୋ ପୋଷ୍ଟ କରିଛନ୍ତି ସେ । ଯାହା ଫ୍ୟାନ୍ସଙ୍କ ମନ କିଣିବାରେ ଲାଗିଛି ।
ଫିଲ୍ମର ଗୋଟିଏ ସିନରୁ ଏହି ଫଟୋକୁ ଫ୍ୟାନ୍ସଙ୍କ ପାଇଁ ସେୟାର କରି କ୍ୟାପସନରେ ଲେଖିଛନ୍ତି, ‘ସତ୍ୟ ପାଇଁ । ପ୍ରଥମ ଫାଇଟ୍ରେ ଏହା ପ୍ରେମ ଥିଲା । ମୁଁ ବହୁତ ଦୌଡି ସାରିଥିଲି । ଆଉ ଏବେ ପାଦ ସ୍ଥାନ ଚାହୁଁଛି। ଜୀବନରୁ ମାଡ ଖାଇବାର ଆମକୁ ଅଭ୍ୟାସ ହୋଇଯାଇଥିଲା । ଏଥିପାଇଁ ଆମେ ପରସ୍ପରକୁ ନିଜର ପେନ୍ କିଲର କରିନେଲୁ । ଏଣ୍ଟର୍ ଦ ୱାର୍ଲ୍ଡ ଅଫ୍ ଫାୟାର ଆଣ୍ଡ ଆଇସ୍ ।’
- " class="align-text-top noRightClick twitterSection" data="
">
ଯଦି ‘ଲୁପ୍ ଲପେଟା’ ବିଷୟରେ କଥା ହେବା ତାହାଲେ 1998ରେ ଆସିଥିବା ଜର୍ମାନୀ ଫିଲ୍ମ ‘ରନ୍ ଲୋଲା ରନ୍’ର ଏହା ହିନ୍ଦୀ ରିମେକ । ସେପଟେ 2003ରେ ମଧ୍ୟ ବଲିଉଡରେ ଏହି କାହାଣୀ ଉପରେ ଫିଲ୍ମ ନିର୍ମାଣ ହୋଇସାରିଛି । ଫିଲ୍ମ ‘ଏକ ଦିନ୍ 24 ଘଣ୍ଟେ’ରେ ଅଭିନୟ କରିଥିଲା ନନ୍ଦିତା ଦାସ ଏବଂ ରାହୁଲ ବୋସ ।
‘ଲୁପ୍ ଲପେଟା’ ବ୍ୟତୀତ ତାପସୀଙ୍କ ‘ରଶ୍ମୀ ରକେଟ’, ‘ହସିନ ଦିଲରୁବା’, ‘ମିଥୁ’ ମଧ୍ୟ ଏବର୍ଷ ରିଲିଜ ହେବାକୁ ଯାଉଛନ୍ତି । ଯାହାକୁ ନେଇ ଉତ୍ସାହିତ ଫ୍ୟାନ୍ସ ।
