ମୁମ୍ବାଇ: ଏବର୍ଷ ତାପସୀ ପନ୍ନୁ ଫ୍ୟାନ୍ସଙ୍କ ବ୍ୟାକ ଟୁ ବ୍ୟାକ ଫିଲ୍ମ ନେଇ ଫେରିବେ । ଆଗାମୀ ସମୟରେ ରିଲିଜ ହେବାକୁ ଯାଉଛି ତାଙ୍କର ଅନେକ ଫିଲ୍ମ । ଏହି କ୍ରମରେ ସାମିଲ ଅଛି ଆକ୍ସନ, ଥ୍ରିଲର ଡ୍ରାମା ଫିଲ୍ମ ‘ହସୀନ ଦିଲରୁବା’ । ଯାହାର ରିଲିଜ ତାରିଖ ସାମ୍ନାକୁ ଆସିଛି । ସେହିପରି ଫିଲ୍ମରେ ତାଙ୍କ ସହ ରୋମାନ୍ସ କରୁଥିବାର ନଜର ଆସିବେ ଅଭିନେତା ବିକ୍ରାନ୍ତ ମେସୀ ।
ଚର୍ଚ୍ଚା ଜୋର ଧରିଛି ଯେ ‘ହସୀନ ଦିଲରୁବା’ର ମେକର୍ସ ଆସନ୍ତା ଜୁଲାଇ 2ରେ ଫିଲ୍ମ ରିଲିଜ କରିବାକୁ ଯୋଜନା କରୁଛନ୍ତି । ହେଲେ କୋରୋନା ସଙ୍କଟ ପାଇଁ ଫିଲ୍ମ ସିନେମାହଲରେ ନୁହେଁ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ ହେବ ।
ପ୍ରକାଶ ଥାଉକି ଏହି ଫିଲ୍ମ ଗତ ବର୍ଷ ସେପ୍ଟେମ୍ବରରେ ରିଲିଜ ହେବାର ଥିଲା । କୋରୋନା ପ୍ରକୋପ ପାଇଁ ଫିଲ୍ମର ରିଲିଜ ସ୍ଥଗିତ ରଖିଥିଲେ ମେକର୍ସ । ସେହିପରି ଫିଲ୍ମର ସୁଟିଂ ଗତ ବର୍ଷ ଅକ୍ଟୋବରରେ ଶେଷ ହୋଇଥିଲା । ଯାହାର ସୂଚନା ସୋସିଆଲ ମିଡିଆରେ ଦେଇଥିଲେ ତାପସୀ ।
