ମୁରାଦାବାଦ: କିଛିଦିନ ହେବ ଦବଙ୍ଗ ଗାର୍ଲ ସୋନାକ୍ଷୀ ସିହ୍ନାଙ୍କ ଉପରେ ଠକେଇ ଅଭିଯୋଗ ଲାଗିବା ଚର୍ଚ୍ଚାର ବିଷୟ ପାଲଟିଛି । ବୁଧବାର ଏହି ଠକେଇ ମାମଲାରେ ନିଜ ବୟାନ ରଖିବା ପାଇଁ ସେ ମୁରାଦାବାଦରେ ପହଞ୍ଚିଥିଲେ । ନିଜ ବୟାନ ଦେଇ ସାରି ସୋନାକ୍ଷୀ ଉତ୍ତରାଖଣ୍ତକୁ ଯାତ୍ରା କରିଥିଲେ ।
ପ୍ରକାଶ ଥାଉକି କଟଘର ଥାନା କ୍ଷେତ୍ରର ଶିବପୁରାୀ ବାସିନ୍ଦା ପ୍ରମୋଦ ଶର୍ମା ଇଣ୍ଡିଆ ଫ୍ୟାଶନ ଆଣ୍ଡ ବ୍ୟୁଟି ଆୱାର୍ଡ ନାମରେ ଏକ ଇଭେଣ୍ଟ କମ୍ପାନୀ ଚଲାଉଛନ୍ତି । ଦିଲ୍ଲୀର ସିରି କୋର୍ଟ ଅଡିଟୋରିୟମରେ ଏକ ଇଭେଣ୍ଟ ପାଇଁ ସୋନାକ୍ଷୀଙ୍କ ମ୍ୟାନେଜର ଜରିଆରେ ସମ୍ପର୍କ କରିଥିଲେ । କାର୍ଯ୍ୟକ୍ରମ ଆରମ୍ଭ ଠିକ କିଛି ସମୟ ପୂର୍ବରୁ ସୋନାକ୍ଷୀ ସେଥିରେ ପରଫର୍ମ କରିବାକୁ ମନା କରିଦେଇଥିଲେ । ଯାହାକୁ ନେଇ ଚିନ୍ତିତ ହୋଇଯାଇଥିଲେ ପ୍ରମୋଦ ।
ଅନ୍ୟପଟେ ଏହି କାର୍ଯ୍ୟକ୍ରମ ପାଇଁ ସୋନାକ୍ଷୀ 35 ଲକ୍ଷ ଟଙ୍କା ଫିସ୍ ମଧ୍ୟ ନେଇଥିଲେ । ତାଙ୍କୁ 35 ଲକ୍ଷ ଟଙ୍କା ଅନଲାଇନରେ ପାଞ୍ଚଥର ଭିନ୍ନ ଭିନ୍ ଖାତାରେ ପଠାଯାଇଥିଲା । କାର୍ଯ୍ୟକ୍ରମ ରଦ୍ଦ ହେଲା ପରେ ଆୟୋଜକ ପ୍ରମୋଦଙ୍କୁ ଟଙ୍କା ଫେରାଇବାକୁ ଦାବି କରିଥିଲେ । ଏହାପରେ ପ୍ରମୋଦ ପୋଲିସ ଥାନାରେ ସୋନାକ୍ଷୀ ଓ ତାଙ୍କ ମ୍ୟାନେଜର ବିରୋଧରେ ଠକେଇ ଅଭିଯୋଗ ଆଣିଥିଲେ । ଏନେଇ ଏସଏସପିଙ୍କ ଆଦେଶରେ ସୋନାକ୍ଷୀଙ୍କ ବିରୋଧରେ ଠକେଇ ଅଭିଯୋଗ ରୁଜୁ ହୋଇଥିଲା ।
