ମୁମ୍ବାଇ: ‘ୟେ ସାଲି ଆଶିକୀ’ରୁ ନିଜ ଅଭିନୟ କ୍ୟାରିୟର ଆରମ୍ଭ କରିଥିବା ଅଭିନେତ୍ରୀ ଶିବଲେଖା ଓବରୟ ନିକଟରେ ରିଲିଜ ହୋଇଥିବା ବିଦ୍ୟୁତ ଜାମୱାଲଙ୍କ ଚର୍ଚ୍ଚିତ ଫିଲ୍ମ ‘ଖୁଦା ହାଫିଜ୍’ରେ ନଜର ଆସିଥିଲେ । ଇତିମଧ୍ୟରେ ସେ ନିଜ ମନ କଥା କହି ଚର୍ଚ୍ଚାରେ । ସେ ବଲିଉଡର ଏମିତି ଅଭିନେତାଙ୍କ ସହ କାମ କରିବାକୁ ଚାହୁଁଛନ୍ତି, ଯାହାଙ୍କ ସହ ସମସ୍ତେ କାମ କରିବାକୁ ସ୍ବପ୍ନ ଦେଖନ୍ତି ।
ଆଜ୍ଞା ହଁ, ସେ ସୁପରଷ୍ଟାର ସଲମାନ ଖାନଙ୍କ ସହ ଫିଲ୍ମରେ କାମ କରିବାକୁ ଚାହୁଁଛନ୍ତି । ହେଲେ ଏକଥା କାହାରିକୁ ଜଣାନାହିଁ ଯେ ସେ ସଲମାନଙ୍କ ସହ ଆସିଷ୍ଟାଣ୍ଟ-ଡାଇରେକ୍ଟର ରୂପେ ଫିଲ୍ମ ‘କିକ୍’ରେ କାମ କରିଥିଲେ ।
ଏକ ସାକ୍ଷାତକାରରେ ଯୋଗ ଦେଇ ସଲମାନଙ୍କ ହିରୋଇନ ହେବା ବିଷୟରେ ସେ କହିଥିଲେ, ‘ପିଲାଦିନରୁ ମୁଁ ଫିଲ୍ମର ମହାନତା ବୁଝିଆସୁଛି । ମୁଁ ନିଶ୍ଚିତ ଭାବରେ ଫିଲ୍ମ ଦେଖିବାକୁ କ୍ରେଜି ଥିଲି ଯେହେତୁ ମୋର ବଡ଼ ଭଉଣୀ ବହୁତ ଫିଲ୍ମ ଦେଖୁଥିଲେ । ସେଥିପାଇଁ ମୁଁ ମଧ୍ୟ ତାଙ୍କ ସହିତ ସେହି ସବୁ ଫିଲ୍ମ ଦେଖିଥିଲି । ମୁଁ ସଲମାନ ଏବଂ ଅକ୍ଷୟ କୁମାରଙ୍କୁ ନିଜ ଆଇଡଲ ରୂପେ ଦେଖୁଥିବା ବେଳେ ମାଧୁରୀ ଦୀକ୍ଷିତଙ୍କର ଜଣେ ବଡ଼ ପ୍ରଶଂସକ ଥିଲି । ମୁଁ ତାଙ୍କ ଡାନ୍ସ ଗତିକୁ ଅନୁକରଣ କରି ତା’ର ଅଭିବ୍ୟକ୍ତି କପି କରୁଥିଲି । ହେଲେ ମୁଁ ସଲମାନଙ୍କ ବଡ ଫ୍ୟାନ । ଆଉ ଏବେ ଚାହୁଁଛି କେବେ ସେ ଦିନ ଆସିବ ଯେବେ ମୁଁ ସଲମାନଙ୍କ ସହ ପରଦାରେ ନଜର ଆସିବେ । ବିଶ୍ବାସ ଅଛି ଦିନେ ନା ଦିନେ ମୋର ଏହି ସ୍ବପ୍ନ ପୂରଣ ହେବ ।’
