ମୁମ୍ବାଇ: ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ ସବୁବେଳେ ନିଜ ବିନ୍ଦାସ ଅନ୍ଦାଜ ପାଇଁ ଫ୍ୟାନ୍ସଙ୍କ ମନ କିଣନ୍ତି । ଫିଲ୍ମ ବ୍ୟତୀତ ସୋସିଆଲ ମିଡିଆରେ ବେଶ୍ ଆକ୍ଟିଭ ନଜର ଆସନ୍ତି ସେ । ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । କାରଣ ପ୍ରଥମଥର ସେ ନିଜ ମା' ତଥା ଅଭିନେତ୍ରୀ ଅମୃତା ସିଂଙ୍କ ସହ ପରଦାରେ ଦେଖାଯିବେ ।
ଆଜ୍ଞା ହଁ, ପ୍ରଥମଥର ମା' ଝିଅଙ୍କ ଯୋଡି ଏକ ହେୟାର କେୟାର ବ୍ରାଣ୍ଡ ବିଜ୍ଞାପନରେ ନଜର ଆସିବେ । ଯାହାକୁ ନେଇ ଏକ୍ସାଇଟେଡ ସାରା ଓ ଅମୃତା । ସେହିପରି ନିକଟରେ ସାରା ଇନଷ୍ଟାଗ୍ରାମରେ ଏହାର ହିଣ୍ଟ ମଧ୍ୟ ଦେଉଥିଲେ । ଯେଉଁଥିରେ ଅମୃତଙ୍କ ସହ ନଜର ଆସିଥିଲେ ସେ ।
ହେଲେ ଏଯାବତ ଏହି ହେୟାର କେୟାର ବ୍ରାଣ୍ଡର ଖୁଲାସା ହୋଇନାହିଁ । ଯଦି ସବୁ କିଛି ଠିକ୍ ରହିଲା ତେବେ ଏହି ବ୍ରାଣ୍ଡ ଜରିଆରେ ପାଖାପାଖି 30 ବର୍ଷ ପରେ ବିଜ୍ଞାପନ ଦୁନିଆକୁ କମବ୍ୟାକ କରିବେ ଅମୃତା ।
