ମୁମ୍ବାଇ: ଲୋକପ୍ରିୟ ରିୟାଲିଟି ଶୋ ବିଗ ବସ ସବୁବେଳେ ଚର୍ଚ୍ଚାରେ ରହିଥାଏ । ତେବେ ତାହା ଶୋର ପ୍ରତିଯୋଗୀଙ୍କ ମଧ୍ୟରେ ବାଦବିବାଦ ହେଉ କିମ୍ବା ପ୍ରେମ ସମ୍ପର୍କ । ବିଗ ବସରେ ଯେତେ ଝଗଡା ଦେଖିବାକୁ ମିଳି ସେତିକି ପ୍ରେମ ମଧ୍ୟ । ତେଣୁ ଦର୍ଶକ ଏହି ଶୋକୁ ଦେଖିବା ପାଇଁ ପ୍ରାୟତଃ ଅପେକ୍ଷା କରିଥାଆନ୍ତି । ଆଉ ଖୁବଶୀଘ୍ର ଦର୍ଶକଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି । କାରଣ ସଲମାନ ଖାନଙ୍କ ପପୁଲାର ରିୟାଲିଟି ଶୋ ବିଗ ବସ ସିଜନ 13 ଶୀଘ୍ର ଆରମ୍ଭ ହେବ ।
ନିକଟରେ ଆସିଥିବା ସଲମାନଙ୍କ ପ୍ରୋମୋ ଭିଡିଓ ଦର୍ଶକଙ୍କ ଉତ୍ସାହକୁ ଦୁଇଗଣ କରିଦେଇଛି । କାରଣ ଗୋଟିଏ ମାସରେ ହିଁ ଶୋ’ର ଫିନାଲେ ହେବାକୁ ଯାଉଛି । ଫିନାଲେ ପରେ ମଧ୍ୟ ଶୋ ଶେଷ ହେବ ନାହିଁ । ବରଂ ସେଲିବ୍ରିଟିଙ୍କୁ କଠିନ ପରଶ୍ରମ କରିବାକୁ ପଡିବ । ଏହାସହ ଏଥର ଶୋରେ କମନର୍ସ ନଜର ଆସିବେ ନାହିଁ ।
ଇତିମଧ୍ୟରେ ଶୁଣିବାକୁ ମିଳୁଛି ଯେ ଏବର୍ଷ ସିଜନରେ ବିଗ ବସ ହାଉସରେ ଆଉ ଏକ ଅଭିନେତ୍ରୀ ବିବାହ ଦେଖିବେ ଦର୍ଶକ । ଛୋଟ ପରଦାର ପପୁଲାର ଅଭିନେତ୍ରୀ ରଶ୍ମୀ ଦେସାଇ ନିଜ କଥିତ ବୟଫ୍ରେଣ୍ଡ ଅରହାନ ଖାନଙ୍କୁ ବିବାହ କରିପାରନ୍ତି । ଶୋ ଆରମ୍ଭରେ ଏଣ୍ଟ୍ରି କରିବେ ରଶ୍ମୀ । ତାଙ୍କ ବିବାହ ପାଇଁ ଶୋକୁ ତାଙ୍କ ପୁରା ପରିବାରକୁ ମଧ୍ୟ ଡକାଯିବ ।
ପ୍ରକାଶ ଥାଉକି ରଶ୍ମୀଙ୍କ ଏହା ଦ୍ବିତୀୟ ବିବାହ । ସେ ଧାରାବାହିକ ‘ଉତରନ’ର ଅଭିନେତା ନନ୍ଦୀଶ ସିନ୍ଧୁଙ୍କ ସହ 2012ରେ ବିବାହ କରିଥିଲେ । ବିବାହର ଦୁଇ ବର୍ଷ ପରେ ତଥା 2014ରେ ରଶ୍ମୀ ଓ ନନ୍ଦୀଶ ଛାଡପତ୍ର ପାଇଁ ଅପିଲ କରି 2015ରେ ଦୁଇଜଣ ପରସ୍ପର ଠାରୁ ଅଲଗା ହୋଇଯାଇଥିଲେ ।
