ମୁମ୍ବାଇ: ଶୁକ୍ରବାର ନେଟଫ୍ଲିକ୍ସରେ ରିଲିଜ ହୋଇଯାଇଛି ଚୁଲବୁଲି ଅଭିନେତ୍ରୀ ପରିଣୀତି ଚୋପ୍ରାଙ୍କ ଚର୍ଚ୍ଚିତ ଫିଲ୍ମ ‘ଦ ଗାର୍ଲ ଅନ୍ ଦ ଟ୍ରେନ’ । ଯାହାକୁ ଦେଖିବାକୁ ଦୀର୍ଘ ସମୟରୁ ବ୍ୟାକୁଳ ଥିଲେ ଦର୍ଶକ । ରିଲିଜ ପୂର୍ବରୁ ଅଭିନେତ୍ରୀ ସମସ୍ତଙ୍କୁ ଅନୁରୋଧ କରିଥିଲେ ଯେ ଦୟା କରି ଫିଲ୍ମ କାହାଣୀ ଅନଲାଇନ ଲିକ୍ କରିବ ନାହିଁ । କାରଣ ଏହା ଏକ ଆକ୍ସନ, ଥ୍ରିଲର ଫିଲ୍ମ । କାହାଣୀ ଲିକ୍ ହେବା ଦ୍ବାରା ଫିଲ୍ମ ଦେଖିବାକୁ ଆଉ ପସନ୍ଦ କରିବେନି ଦର୍ଶକ । ହେଲେ ଏବେ ଲାଗୁଛି ପରିଣୀତିଙ୍କ ଅନୁରୋଧର କୌଣସି ପ୍ରଭାବ ପଡିନାହିଁ ।
କାରଣ ରିଲିଜର କିଛି ଘଣ୍ଟା ମଧ୍ୟରେ କୁଖ୍ୟାତ ୱେବସାଇଟ ତାମିଲ ରକର୍ସରେ ଲିକ୍ ହୋଇଯାଇଛି ଫିଲ୍ମ। ଯାହାକୁ ନେଇ ବଢିଲା ମେକର୍ସଙ୍କ ଟେନସନ୍ । ଏହା ଦ୍ବାରା ହୁଏତଃ ନିର୍ମାତାଙ୍କୁ କ୍ଷତି ସହିବାକୁ ପଡିପାରେ ।
ଏମିତି ପ୍ରଥମଥର ହୋଇନାହିଁ ଯେବେ କୌଣସି ଫିଲ୍ମ ରିଲିଜର କିଛି ଘଣ୍ଟା ମଧ୍ୟରେ ଅନଲାଇନ ଲିକ୍ ହୋଇଛି । ନିକଟରେ ରିଲିଜ ହୋଇଥିବା ସାଉଥ ସୁପରଷ୍ଟାର ମୋହନଲାଲଙ୍କ ଆକ୍ସନ ଡ୍ରାମା ଫିଲ୍ମ ‘ଦୃଶ୍ୟମ 2’ ମଧ୍ୟ ଲିକ୍ ହୋଇଥିଲା ।
ସେପଟେ ନେଟଫ୍ଲିକ୍ସରେ ଦେଖିସାରିଥିବା ‘ଦ ଗାର୍ଲ ଅନ୍ ଦ ଟ୍ରେନ’ର ପ୍ରଶଂସା କରିବାରେ ଲାଗିଛନ୍ତି ଦର୍ଶକ । ଫିଲ୍ମର କାହାଣୀ ଦମଦାର ହେବା ସହ ପରିଣୀତିଙ୍କ ଶାନଦାର ଅଭିନୟ ଦେଖିବାକୁ ମିଳୁଛି ।
