ମୁମ୍ବାଇ: ଟିଭିର ପପୁଲାର ଡାନ୍ସ ରିୟାଲିଟି ଶୋ ‘ସୁପର ଡାନ୍ସର’ ସିଜନ 4କୁ ଦର୍ଶକଙ୍କ ବେଶ୍ ପ୍ରଶଂସା ମିଳିବାରେ ଲାଗିଛି । ଗତ ୱିକେଣ୍ଡରେ ବି-ଟାଉନର ଆନ୍ନା ସୁନୀଲ ସେଟ୍ଟୀ ଶୋରେ ନଜର ଆସିଥିଲେ । ଆଉ ଏଥର ୱିକେଣ୍ଡରେ ଅଭିନେତା ଗୋବିନ୍ଦା ଓ ଅଭିନେତ୍ରୀ ନୀଲମ କୋଠାରୀଙ୍କୁ 20 ବର୍ଷ ପରେ ଏକାଠି ଦେଖିବାକୁ ମିଳିବ । ଯାହାର ପ୍ରୋମୋ ଭିଡିଓ ରିଲିଜ କରିଦେଇଛନ୍ତି ମେକର୍ସ ।
- " class="align-text-top noRightClick twitterSection" data="
">
ଆଉ ଏହାକୁ ସେୟାର କରିଛନ୍ତି ନୀଲମଙ୍କ ସ୍ବାମୀ ତଥା ଅଭିନେତା ସମୀର ସୋନି । ସେ ଇନଷ୍ଟାଗ୍ରାମରେ ଏହାକୁ ସେୟାର କରି କ୍ୟାପସନରେ ଲେଖିଛନ୍ତି, ‘ପରିଶେଷରେ 20 ବର୍ଷର ଅପେକ୍ଷାର ଅନ୍ତ ଘଟିଲା।’
ସେହିପରି ଭାଇରାଲ ହେଉଥିବା ଏହି ଭିଡିଓରେ ଗୋବିନ୍ଦା ଓ ନୀଲମ ନିଜ ଅଭିନୀତ ଫିଲ୍ମ ‘ଇଲଜାମ୍’ର ଫେମସ ଗୀତ ‘ପେହେଲା ପେହେଲା ପ୍ୟାର’ ଗୀତରେ ଡାନ୍ସ କରୁଥିବାର ନଜର ଆସୁଛନ୍ତି । 1986 ମସିହାରେ ଫିଲ୍ମ ରିଲିଜ ସମୟରେ ଏହି ଯୋଡିଙ୍କୁ ଯେମିତି ପ୍ରଶଂସା ମିଳିଥିଲା ଏବେ ମଧ୍ୟ ସେମିତି ପ୍ରଶଂସା ମିଳିଛି । ଦୁଇଜଣଙ୍କ ସିଜଲିଂ କେମେଷ୍ଟ୍ରି ଫ୍ୟାନ୍ସଙ୍କ ମନ କିଣିଛି । ପ୍ରୋମୋ ଦେଖି ପୁରା ଏପିସୋଡ ଦେଖିବାକୁ ଅନାଇ ବସିଛନ୍ତି ସମସ୍ତେ ।
