ମୁମ୍ବାଇ: ଶୁକ୍ରବାର ବାନ୍ଦ୍ରା ପୋଲିସ ଷ୍ଟେସନରେ ଭଉଣୀ ରଙ୍ଗୋଲି ଚାନ୍ଦେଲଙ୍କ ସହ ହାଜର ହୋଇଥିଲେ । ଗତ ବର୍ଷରୁ ତାଙ୍କ ଉପରେ ଦେଶଦ୍ରୋହ ଅଭିଯୋଗ ଲାଗି ଏକ ମାମଲା ରୁଜୁ କରାଯାଇଥିଲା । କାରଣ ସେ ନିଜ ବିବାଦୀୟ ଟ୍ବିଟ ଜରିଆରେ ହିନ୍ଦୁ-ମୁସଲମାନ ବିବାଦ ସୃଷ୍ଟି କରିବା ସହ ଦେଶରେ ଘୃଣା ବିସ୍ତାର କରୁଛନ୍ତି ବୋଲି ଅଭିଯୋଗ ହୋଇଥିଲା । ବାନ୍ଦ୍ରା ପୋଲିସର ତିନିଥର ସମନ ପରେ ପରିଶେଷରେ କଙ୍ଗନା ନିଜ ବୟାନ ରେକର୍ଡ କରିବାକୁ ପହଞ୍ଚିଥିଲେ ।
- " class="align-text-top noRightClick twitterSection" data="
">
ପୋଲିସ ଷ୍ଟେସନରୁ ବାହାରିବା ପରେ ସେ ସୋସିଆଲ ମିଡିଆରେ ନିଜର ଏକ ଭିଡିଓ ସେୟାର କରି ନାରୀ ଉପରେ ହେଉଥିବା ଅତ୍ୟାଚାର ବିଷୟରେ ଆଲୋଚନା କରିଥିଲେ । ଯେଉଁଥିରେ ସେ ଅଭିଯୋଗ ଲଗାଇଛନ୍ତି ଯେ ବିନା ଦୋଷରେ ତାଙ୍କୁ ହଇରାଣ କରାଯାଉଛି । ଆଉ ଏହା ମଧ୍ୟ ଯୁଗ ନୁହେଁ, ଯେଉଁଠି ନାରୀଙ୍କୁ ଜାଳି ଦିଆଯିବ । ଏହାସହ ସେ ଜଣାଇଛନ୍ତି ତାଙ୍କ ଉପରେ ଜାଣିଶୁଣି ବେଆଇନ ମାମଲା ରୁଜୁ କରାଯାଇଛି । ଖାଲି ଏତିକି ନୁହେଁ ତାଙ୍କ ହସିବା ଉପରେ ମଧ୍ୟ ଅଭିଯୋଗ ଲଗାଯାଇଛି । ଯାହା ଠିକ୍ କଥା ନୁହେଁ ।
ସେହିପରି ଭିଡିଓ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ମତେ ମାନସିକ, ଭାବପ୍ରବଣ ଏବଂ ବର୍ତ୍ତମାନ ଶାରୀରିକ ନିର୍ଯାତନା ଦେଉଛି? ମୁଁ ଏହି ରାଷ୍ଟ୍ରଠୁ ଜବାବ ଚାହୁଁଛି । ମୁଁ ତୁମ ପାଇଁ ଛିଡା ହୋଇଥିଲି, ବର୍ତ୍ତମାନ ତୁମେ ମୋ ପାଇଁ ଛିଡା ହେବାର ସମୟ ଆସିଛି । ଜୟ ହିନ୍ଦୀ ।’
