ନୂଆଦିଲ୍ଲୀ: ବଲିଉଡର ବିବାଦୀୟ କୁଇନ ରୂପେ ବେଶ ଜଣାଶୁଣା କଙ୍ଗନା ରଣାୱତ । ସେ ସର୍ବଦା ତାଙ୍କ ବୟାନ ପାଇଁ ଚର୍ଚ୍ଚାରେ ରହିଥାନ୍ତି।
କଙ୍ଗନା ପ୍ରାୟତଃ ସୋସିଆଲ ମିଡିଆରେ ନିଜର ମତ ପ୍ରକାଶ କରଥାନ୍ତି । ଏଥର କଙ୍ଗନା ଦେଶର ନାଁ ଇଣ୍ଡିଆକୁ (INDIA) ପରିବର୍ତ୍ତନ କରି (भारत )ଭାରତ ହେବା ଉଚିତ ବୋଲି ଦାବି ଉଠାଇଛନ୍ତି । ଇନଷ୍ଟାଗ୍ରାମରେ ପୋଷ୍ଟ ସେୟାର କରି କଙ୍ଗନା ଏଥିରେ ନିଜର ମତ ରଖିଛନ୍ତି ।
କଙ୍ଗନା ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ବ୍ରିଟିଶମାନେ ଆମକୁ ଗୁଲାମ ନାଁ (INDIA) ଦେଇଛନ୍ତି । ମୁଁ ଆପଣଙ୍କୁ ଭାରତର ଅର୍ଥ କହିବାକୁ ଯାଉଛି, ଏହା ତିନୋଟି ସଂସ୍କୃତ ଶବ୍ଦକୁ ନେଇ ଗଠିତ । ଭା(ଭାବ), ର(ରାଗ), ତ (ତାଳ) ।
କଙ୍ଗନା ଆହୁରି ଲେଖିଛନ୍ତି, ଯଦି ଭାରତ ଏହାର ପ୍ରାଚୀନ ସଭ୍ୟତା ଏବଂ ସଂସ୍କୃତି ଉପରେ ବିଶ୍ବାସ କରେ ତେବେ ସେ ଆଗକୁ ବଢିପାରିବ । ଆମକୁ ଆମର ହଜିଯାଇଥିବା ଗୌରବ ଫେରି ପାଇବାକୁ ପଡିବ, ଚାଲ ଭାରତ ନାମରୁ ଆରମ୍ଭ କରିବା ।
କିଛି ଦିନ ପୂର୍ବରୁ କଙ୍ଗନା ନିଜକୁ 'ହଟ ସଙ୍ଘି' କହି ଚର୍ଚ୍ଚାରେ ଥିଲେ ।
ପ୍ରକାଶ ଥାଉ କି, ଆଗମୀ ସମୟରେ କଙ୍ଗନା ଫିଲ୍ମ ‘ଥଲାଇଭି’ରେ ନଜର ଆସିବେ ।
