ମୁମ୍ବାଇ: ନିକଟରେ ‘ପାନି ପାନି’ ମ୍ୟୁଜିକ ଭିଡିଓରେ ଫେମସ ରାପର ବାଦଶାହଙ୍କ ସହ ନଜର ଆସିଥିଲେ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡେଜ । ଏହି ଯୋଡିଙ୍କ ଏହା ଦ୍ବିତୀୟ ମ୍ୟୁଜିକ ଭିଡିଓ ଥିଲା । ପୂର୍ବରୁ ‘ଗେଣ୍ଡା ଫୁଲ୍’ରେ ଏକାଠି କାମ କରିଥିଲେ ଜ୍ୟାକଲିନ ଓ ବାଦଶାହ । ଏହାବ୍ୟତୀତ ଗତ କିଛି ଦିନରୁ ନିଜ ଲଭ ଲାଇଫ୍କୁ ନେଇ ଚର୍ଚ୍ଚାରେ ଜ୍ୟାକଲିନ । ସେ ସାଉଥର ଜଣେ ବିଜନେସମ୍ୟାନକୁ ଡେଟ୍ କରୁଛନ୍ତି ବୋଲି ଚର୍ଚ୍ଚା ଜୋର ଧରିଛି ।
ଇତିଧ୍ୟରେ ଶୁଣିବାକୁ ମିଳୁଛି ଯେ ସେ ବୟଫ୍ରେଣ୍ଡଙ୍କ ସହ ନୂଆ ଘରକୁ ସିଫ୍ଟ କରିବାକୁ ଯାଉଛି । ଯାହାକୁ ନେଇ ବଲିଉଡ ଗ୍ୟାଲେରିରେ ବେଶ୍ ଚର୍ଚ୍ଚା ହେଉଛି ।
ସେପଟେ ଜ୍ୟାକଲିନ ଏହି ଖବରକୁ ଏଯାବତ ସିକ୍ରେଟ ରଖିଛନ୍ତି । ହେଲେ ଗତ ଦୁଇମାସରୁ ଜ୍ୟାକଲିନ ନିଜ ପାଇଁ ମୁମ୍ବାଇର ଜୁହୁ ଏବଂ ବାନ୍ଦ୍ରାରେ ଏକ ଘର ଖୋଜୁଥିଲେ । ଆଉ ନିଜ ମନ ମୁତାବିକ ପ୍ରପର୍ଟି ତାଙ୍କୁ ମିଳିଯାଇଛି । ଯାହାର ଇଣ୍ଟିରିୟର କାମ ଏବେ ଆରମ୍ଭ କରିବେ ସେ ।
