ମୁମ୍ବାଇ: ବଲିଉଡର ଆକ୍ସନ ହିରୋ ରୂପେ ଚର୍ଚ୍ଚିତ ବିଦ୍ୟୁତ ଜାମୱାଲଙ୍କ ଅଭିନୀତ ରୋମାଣ୍ଟିକ ଡ୍ରାମା ଫିଲ୍ମ ‘ଖୁଦା ହାଫିଜ୍’ ନିକଟରେ ଓଟିଟି ପ୍ଲାଟଫର୍ମରେ ରିଲିଜ ହୋଇଥିଲା । ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିଥିଲା । ଇତିମଧ୍ୟରେ ଫିଲ୍ମକୁ ନେଇ ସାମ୍ନାକୁ ଆସିଛି ନୂଆ ଖବର । ଶୁଣିବାକୁ ମିଳୁଛି ଯେ ଏଥର ଛୋଟ ପରଦାରେ ଫିଲ୍ମର ମଜା ଉଠାଇ ପାରିବେ ଦର୍ଶକ । କାରଣ ଟେଲିଭିଜନରେ ପ୍ରସାରଣ ହେବାକୁ ଯାଉଛି ଫିଲ୍ମ ।
ଆସନ୍ତା 27 ତାରିଖରେ ଷ୍ଟାର ଗୋଲ୍ଡ ଚ୍ୟାନେଲରେ ସମସ୍ତେ ଦେଖିବେ ଏହି ଫିଲ୍ମ । ଏହା ବିଷୟରେ ଆଲୋଚନା କରି ବିଦ୍ୟୁତ କହିଛନ୍ତି, ‘ଖୁଦା ହାଫିଜ୍ ହେଉଛି ଜଣେ ପୁରୁଷର ପ୍ରକୃତ ଜୀବନ କାହାଣୀ ଯିଏ ନିଜ ପତ୍ନୀଙ୍କୁ ଫେରାଇ ଆଣିବାକୁ ଯେକୌଣସି ଚରମ ସୀମାରେ ଯିବାକୁ ଚେଷ୍ଟା କରିଥିଲା । ଏହି ଫିଲ୍ମଟି ପାଇଥିବା ପ୍ରେମରେ ମୁଁ ଖୁସି ଅଛି । ଟେଲିଭିଜନରେ ପ୍ରଦର୍ଶିତ ହେବାକୁ ଯାଉଥିବା ଏହି ଫିଲ୍ମରେ ଦର୍ଶକଙ୍କ ପ୍ରତିକ୍ରିୟା ଦେଖିବାକୁ ମୁଁ ଅପେକ୍ଷା କରିଛି ।’
ପ୍ରକାଶ ଥାଉକି ‘ଖୁଦା ହାଫିଜ୍’ର କାହାଣୀ ନବବିବାହିତ ପତି-ପତ୍ନୀଙ୍କୁ ନେଇ ଆଧାରିତ । ଯେଉଁଥିରେ ନିଜ ପତ୍ନୀଙ୍କୁ ଭାରତ ଫେରାଇ ଆଣଇବୁ ବିଦେଶରେ ଯାଇ ଫାଇଟ୍ କରିଥିବେ ସ୍ବାମୀ ।ସେହିପରି ଫିଲ୍ମରେ ବିଦ୍ୟୁତଙ୍କ ପତ୍ନୀ ଭୂମିକାରେ ଅଭିନୟ କରିଥିଲେ ଶିବଲେଖା ଓବରୟ ।
@IANS
