ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ପରେ ‘ଦବଙ୍ଗ’ ନିର୍ଦ୍ଦେଶକ ତଥା ନିର୍ମାତା ଅନୁରାଗ କଶ୍ୟକଙ୍କ ଭାଇ ଅଭିନବ ସିଂ କଶ୍ୟପ ବଲିଉଡକୁ ନେଇ ବଡ ଖୁଲାସା କରିଥିଲେ । ସେ ଫେସବୁକ ପୋଷ୍ଟରେ ଅଭିଯୋଗ କରିଥିଲେ ଯେ ତାଙ୍କ କ୍ୟାରିୟର ନଷ୍ଟ କରିବାକୁ ସଲମାନ ଖାନଙ୍କ ପୁରା ପରିବାର ଚାହୁଁଥିଲା । ଏବେ ଏହି ମାମଲାରେ ସଲମାନଙ୍କ ସାନ ଭାଇ ତଥା ଅଭିନେତା ସୋହେଲ ଖାନ ଆକ୍ସନ ନେଇଛନ୍ତି ।
ସେ ଅଭିନବଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି । ସୋହେଲଙ୍କ ପୂର୍ବରୁ ଅରବାଜ ଖାନ ମଧ୍ୟ କହିଥିଲେ ଯେ ଅଭିନବଙ୍କ ପୋଷ୍ଟ ବିରୋଧରେ ଆଇନଗତ କାର୍ଯ୍ୟନୁଷ୍ଠାନ ନିଆଯାଉ ।
ସେହିପରି ସଲମାନଙ୍କୁ ଯେତେବେଳେ ଏହି ମାମଲାରେ ପ୍ରଶ୍ନ କରାଯାଇଥିଲା, ସେ ଜବାବରେ କହିଥିଲେ ଆଜ୍ଞା ହଁ, ଆମେ ସବୁ ଖରାପ କରିଛୁ । ପ୍ରଥମେ ଯାଇ ଆପଣ ତାଙ୍କର ଫିଲ୍ମ ଦେଖନ୍ତୁ ପରେ ଆମେ କଥା ହେବା । ଯାହା ସେମାନେ କରିବାକୁ ଚାହୁଁଛନ୍ତି କରିବାକୁ ଦିଅନ୍ତୁ । ଯାହା ସେ କହୁଛନ୍ତି ତାହା ଉପରେ କିଛି କହି ସେ ସମୟ ନଷ୍ଟ କରିବାକୁ ଚାହୁଁନାହାଁନ୍ତି ।
