ହାଇଦ୍ରାବାଦ: ଦେଶରେ ତାଣ୍ଡବ କରୁଥିବା କୋରୋନା ବର୍ତ୍ତମାନ ଥମିବାର ନାଁ ନେଉନାହିଁ । ଗୋଟିଏ ପରେ ଗୋଟିଏ, ସେଲିବ୍ରିଟିମାନେ କ୍ରମାଗତ ଭାବରେ କୋରୋନା ସଂକ୍ରମିତ ହେଉଛନ୍ତି । ଆଗାମୀ ଦିନରେ କିଛି ତାରକା କୋରୋନାରେ ସଂକ୍ରମିତ ହୋଇଛନ୍ତି ।
ଏବେ ସାଉଥ ସୁପରଷ୍ଟାର ପୱନ କଲ୍ୟାଣ କୋରୋନା ପଜିଟିଭ ବୋଲି ଜଣାପଡିଛି । ଏବେ ଅଭିନେତା ଘରେ କ୍ବାରେଣ୍ଟାଇନରେ ଅଛନ୍ତି ।
ଅଭିନେତାଙ୍କ ଫୁସଫୁସ ସଂକ୍ରମଣ ହୋଇଥିବାରୁ ସେ ଆଣ୍ଟି-ଭାଇରାଲ ଔଷଧ ସେବନ କରୁଛନ୍ତି । ଆବଶ୍ୟକ ସମୟରେ ଡାକ୍ତରମାନେ ତାଙ୍କୁ ଅକ୍ସିଜେନ ଯୋଗାଉଛନ୍ତି । ସୁପରଷ୍ଟାର ତାଙ୍କ ପ୍ରଶଂସକଙ୍କୁ ଆଶ୍ବସନା ଦେଇଛନ୍ତି ଯେ ସେ ଶୀଘ୍ର ସୁସ୍ଥ ହୋଇଯିବେ ।
ପ୍ରକାଶ ଥାଉ କି, କିଛି ଦିନ ପୂର୍ବେ ପୱନ କଲ୍ୟାଣଙ୍କ ସହ କାମ କରୁଥିବା ଅନେକ କର୍ମଚାରୀ କୋରୋନା ପଜିଟିଭ୍ ଥିବା ଜଣାପଡିଥିଲା । ଯାହା ପରେ ଅଭିନେତା କ୍ବାରେଣ୍ଟାଇନରେ ଥିଲେ । ଏହାପରେ, ଶରୀରରେ ଯନ୍ତ୍ରଣା ହେବା ଯୋଗୁ ସେ ତାଙ୍କର ଟେଷ୍ଟ କରିଥିଲେ, ତା’ପରେ ସେ କୋରୋନା ପଜିଟିଭ୍ ବୋଲି ଜଣାପଡିଛି ।
ନିକଟରେ ଏପ୍ରିଲ୍ 9ରେ ପୱନ୍ ଫିଲ୍ମ ଓ୍ବକିଲ୍ ସାବ ସହିତ ତିନି ବର୍ଷ ପରେ ସିନେମାକୁ ପ୍ରତ୍ୟାବର୍ତ୍ତନ କରିଥିଲେ ।
