ମୁମ୍ବାଇ: ବଲିଉଡ ଅଭିନେତା ମନୋଜ ଯୋଶୀ ଇଣ୍ଡଷ୍ଟ୍ରିର ସର୍ବୋତ୍ତମ ଅଭିନୟ ଏବଂ କମେଡି ପାଇଁ ଜଣାଶୁଣା । ସେ ଥିଏଟର ଜଗତରେ ନିଜ ପାଇଁ ଏକ ସ୍ବତନ୍ତ୍ର ସ୍ଥାନ ମଧ୍ୟ ସୃଷ୍ଟି କରିଛନ୍ତି । ଏହାବ୍ୟତୀତ ଅଭିନେତା ସୋସିଆଲ ମିଡିଆରେ ମଧ୍ୟ ଖୁବ୍ ଆକ୍ଟିଭ ରୁହନ୍ତି । ସେ ପ୍ରାୟତଃ ସାମାଜିକ ପ୍ରସଙ୍ଗରେ ପ୍ରତିକ୍ରିୟା ରଖୁଥିବାର ନଜର ଆସୁଛନ୍ତି । ହେଲେ ଇତିମଧ୍ୟରେ ଏକ ଟ୍ବିଟକୁ ନେଇ ତାଙ୍କୁ ଟ୍ରୋଲ କରାଯାଉଛି । ଏକ ନିର୍ଦ୍ଦିଷ୍ଟ ସମ୍ପ୍ରଦାୟକୁ ଟାର୍ଗେଟ କରିଥିବାର ତାଙ୍କ ଉପରେ ଅଭିଯୋଗ ହୋଇଛି, ଯାହା ବର୍ତ୍ତମାନ ତାଙ୍କ ପାଇଁ ଅଡୁଆ ସୃଷ୍ଟି କରୁଛି।
-
जो घर-घर से अफ़ज़ल निकाल रहे थे, वहाँ से कभी डॉक्टर भी निकालेंगे क्या?
— Manoj Joshi (@actormanojjoshi) April 18, 2021 " class="align-text-top noRightClick twitterSection" data="
">जो घर-घर से अफ़ज़ल निकाल रहे थे, वहाँ से कभी डॉक्टर भी निकालेंगे क्या?
— Manoj Joshi (@actormanojjoshi) April 18, 2021जो घर-घर से अफ़ज़ल निकाल रहे थे, वहाँ से कभी डॉक्टर भी निकालेंगे क्या?
— Manoj Joshi (@actormanojjoshi) April 18, 2021
ମନୋଜଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସୋସିଆଲ ମିଡିଆରେ ଦାବି ମଧ୍ୟ କରୁଛନ୍ତି ୟୁଜର୍ସ । କଥାଟି ହେଲା ଯେ ସବୁବେଳେ ରାଜନୈତିକ ପ୍ରସଙ୍ଗରେ ଟ୍ବିଟ କରୁଥିବା ମନୋଜ ଏଥର କିନ୍ତୁ ମୁସଲମାନ ସମୁଦାୟ ଉପରେ ଟ୍ବିଟ କରି ହଟହଟା ।
ସେ ନିକଟରେ କରିଥିବା ଏକ ଟ୍ବିଟରେ ଲେଖିଥିଲେ, ‘ଯେଉଁ ଘରୁ ଅଫଜଲ ବାହାରୁଥିଲେ । ସେଠାରୁ କେବେ ଡାକ୍ତର ବାହାରିବେ କି ?’ । ତାଙ୍କର ଏହି ଟ୍ବିଟ ୟୁଜର୍ସଙ୍କୁ କ୍ରୋଧିତ କରିଦେଇଛି । ସୌହାର୍ଦ୍ଦ୍ୟକୁ ବିଭ୍ରାନ୍ତ କରୁଥିବା ଏବଂ ସାମ୍ପ୍ରଦାୟିକତାକୁ ପ୍ରୋତ୍ସାହିତ ଅଭିଯୋଗ ତାଙ୍କ ଉପରେ ଲଗାଇ ତାଙ୍କୁ ଟ୍ରୋଲ କରାଯାଉଛି ।
ତାଙ୍କୁ ଜବାବ ଦେଇ ଜଣେ ୟୁଜର ଲେଖିଛନ୍ତି, ‘ମୁଁ ବିଶ୍ବାସ କରିପାରୁନାହିଁ ଯେ ଆପଣଙ୍କୁ ଭଲ ଅଭିନେତା ଭାବୁଥିଲି । ହେଲେ ଆପଣ ଭଲ ବ୍ୟକ୍ତି ମଧ୍ୟ ହୋଇପାରିଲେନି ।’ ସେହିପରି ଦ୍ବିତୀୟ ଯୁଜର ଲେଖିଛନ୍ତି, ‘ମୁଁ ଆପଣଙ୍କ ଫ୍ୟାନ ଥିଲି । ଆଉ ଆପଣଙ୍କୁ ଭଲ ମଣିଷ ଭାବୁଥିଲି । ହେଲେ ଆପଣଙ୍କ ଭିତରେ ଆତ୍ମା ନାହିଁ ।’
