ମୁମ୍ବାଇ: ଫେମସ ଅଭିନେତା ବବି ଦେଓଲ ଫିଲ୍ମ ବ୍ୟତୀତ ସେ ଡିଜିଟାଲ ପ୍ଲାଟଫର୍ମରେ ନିଜ ଭାଗ୍ୟ ପରୀକ୍ଷା କରିବାକୁ ଯାଉଛନ୍ତି । ଯାହାକୁ ନେଇ ଦୀର୍ଘ ସମୟରୁ ଚର୍ଚ୍ଚା । ସେ ଖୁବଶୀଘ୍ର ଡିଜିଟାଲ ଡେବ୍ୟୁ କରିବେ । ଆଜ୍ଞା ହଁ, ନିର୍ଦ୍ଦେଶକ ପ୍ରକାଶ ଝାଙ୍କ ଆଗାମୀ ୱେବ ସିରିଜ ‘ଆଶ୍ରମ’ରେ ନଜର ଆସିବେ ବବି । ଓଟିଟି ପ୍ଲାଟଫର୍ମରେ ଆସନ୍ତା ଅଗଷ୍ଟ 28ରେ ‘ଆଶ୍ରମ’କୁ ରିଲିଜ କରିବା ଯୋଜନା କରିଛନ୍ତି ମେକର୍ସ ।
ବବି ସିରିଜରେ ଏମିତି ଜଣେ ବାବାଙ୍କ ଭୂମିକାରେ ନଜର ଆସିବେ, ଯାହାଙ୍କ ଭୂମିକା ଡେରା ସଚ୍ଚା ସୌଦାର ପ୍ରମୁଖ ଗୁରମୀତ ରାମ ରହୀମଙ୍କ ଭଳି ରଖାଯାଇଛି । ସେହିପରି ସିରିଜର କାହାଣୀ ରାଜନୈତିକ ଓ ରହୀମଙ୍କ ଜୀବନକୁ ନେଇ ଆଧାରିତ।
ସିରିଜରେ ବବିଙ୍କ ସହ ଅନୁପ୍ରିୟା ଗୋୟଙ୍କା ନଜର ଆସିବେ । ‘ପଦ୍ମାବତ’ ଫିଲ୍ମରେ ଅନୁପ୍ରିୟା ଅଭିନୟ କରିଥିଲେ । ପ୍ରକାଶ ଥାଉକି ଏହାବ୍ୟତୀତ ବବି ‘କ୍ଲାସ ଅଫ 83’ରେ ନଜର ଆସିବେ । ଏହି ଫିଲ୍ମ ଓଟିଟି ପ୍ଲାଟଫର୍ମରେ ରିଲିଜ ହେବେ । ସୁପରଷ୍ଟାର ଶାହରୁଖ ଖାନଙ୍କ କମ୍ପାନୀ ରେଡ ଚିଲିଜ ଏଣ୍ଟରଟେନମେଣ୍ଟରେ ନିର୍ମାଣ ହେଉଛି ‘କ୍ଲାସ ଅଫ 83’ । ଫିଲ୍ମରେ ପୋଲିସ ଭୂମିକାରେ ଦେଖାଯିବେ ବବି ।
