ମୁମ୍ବାଇ: କିଛି ଦିନ ହେବ ନିଜ ଡେବ୍ୟୁ ୱେବ ଫିଲ୍ମ ଓ ସିରିଜକୁ ନେଇ ଚର୍ଚ୍ଚାରେ ଫେମସ ଆକ୍ଟର ବବି ଦେଓଲ । ସେ ଖୁବଶୀଘ୍ର ଡିଜିଟାଲ ପ୍ଲାଟଫର୍ମରେ ପଦାର୍ପଣ କରିବାକୁ ଯାଉଛନ୍ତି । ତାଙ୍କ ଆଗାମୀ ୱେବ ଫିଲ୍ମ ‘କ୍ଲାସ ଅଫ 83’କୁ ନେଇ ଏକ୍ସାଇଡେଟ ଫ୍ୟାନ୍ସ । ବର୍ତ୍ତମାନ ଫିଲ୍ମ ରିଲିଜ ହେବାକୁ ପ୍ରସ୍ତୁତ । ‘କ୍ଲାସ ଅଫ 83’ ସୁପରଷ୍ଟାର ଶାହରୁଖ ଖାନଙ୍କ ପ୍ରଡକ୍ସନ ହାଉସ ରେଡ ଚିଲିଜ ଏଣ୍ଟରଟେନମେଣ୍ଟରେ ନିର୍ମାଣ କରାଯାଇଛି । ଯେଉଁଥିରେ ବବି ଜଣେ ପୋଲିସ ଅଫିସର ଭୂମିକାରେ ଅଭିନୟ କରୁଥିବାର ଦେଖାଯିବେ ।
ଇତିମଧ୍ୟରେ ଫିଲ୍ମ ରିଲିଜ ତାରିଖ ମଧ୍ୟ ସାମ୍ନାକୁ ଆସିଯାଇଛି । ଯାହା ଶୁଣି ଖୁସି ହେଉଯିବେ ଦର୍ଶକ । କାରଣ ଏମାସ 21 ତାରିଖରେ ରିଲିଜ ହେବାକୁ ଯାଉଛି ଫିଲ୍ମ । ଘୋଷଣା କରିଛନ୍ତି ମେକର୍ସ । ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ ହେବ ଏହି ଫିଲ୍ମ ।
ଏହାର ସୂଚନା ବବି ଫିଲ୍ମର ଏକ ଦମଦାର ପୋଷ୍ଟର ସେୟାର କରି ଦେଇଛନ୍ତି । ସେହିପରି ଫିଲ୍ମର ଜବରଦସ୍ତ ଟ୍ରେଲର 7 ତାରିଖ(ଶୁକ୍ରବାର)ରେ ରିଲିଜ ହେବ ବୋଲି ଜଣାଇଛନ୍ତି ସେ।
- " class="align-text-top noRightClick twitterSection" data="
">
ପ୍ରକାଶ ଥାଉକି ଏହି ଫିଲ୍ମ ବ୍ୟତୀତ ବବି ୱେବ ସିରିଜ ‘ଆଶ୍ରମ’ରେ ମଧ୍ୟ ଦେଖାଯିବେ । ଯାହାର ଟିଜର ନିକଟରେ ରିଲିଜ ହୋଇଥିଲା । ସିରିଜର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନୀରଜ ଝା । ସେହିପରି ଏହି ସିରିଜ ଏମାସ 28 ତାରିଖରେ ଷ୍ଟ୍ରିମିଂ ହେବ ।
