ବାବା ସାଜି ଲୋକଙ୍କ ବିଶ୍ବାସ ସହ ଖେଳୁଛନ୍ତି ବବି, ଦେଖନ୍ତୁ ଟ୍ରେଲର

ଦୀର୍ଘ ସମୟ ଅପେକ୍ଷା ପରେ ରିଲିଜ ହୋଇଯାଇଛି ବବିଙ୍କ ଡେବ୍ୟୁ ୱେବ ସିରିଜ ‘ଆଶ୍ରମ’ର ଟ୍ରେଲର । ଭିନ୍ନ ଅନ୍ଦାଜରେ ନଜର ଆସିଲେ ବବି ।

ମୁମ୍ବାଇ: ଫେମସ ଆକ୍ଟର ବବି ଦେଓଲ ଫିଲ୍ମ ଛାଡି ଏବେ ଡିଜିଟାଲ ମୁହାଁ ହୋଇଛନ୍ତି । ସେ ଏଥର ନିଜ ଭାଗ୍ୟ ପରୀକ୍ଷା ଡିଜିଟାଲ ଦୁନିଆରେ କରିବେ । ଆଜ୍ଞା ହଁ ସେ ଖୁବଶୀଘ୍ର ବ୍ୟାକ ଟୁ ବ୍ୟାକ ୱେବ ସିରିଜ ଓ ୱେବ ଫିଲ୍ମ ନେଇ ଓଟିଟି ପ୍ଲାଟଫର୍ମରେ ନଜର ଆସିବେ । ଯାହାର ଚର୍ଚ୍ଚା ଦୀର୍ଘ ସମୟରୁ ହେଉଛି । ଇତିମଧ୍ୟରେ ଫ୍ୟାନ୍ସଙ୍କ ଏକ୍ସାଇଟମେଣ୍ଟ ବଢାଇ ଦେଇଛି ତାଙ୍କ ଚର୍ଚ୍ଚିତ ୱେବ ସିରିଜ ‘ଆଶ୍ରମ’ର ଜବରଦସ୍ତ ଟ୍ରେଲର ।

ଲୋକପ୍ରିୟ ନିର୍ଦ୍ଦେଶକ ପ୍ରକାଶ ଝାଙ୍କ ଦ୍ବାରା ନିର୍ଦ୍ଦେଶିତ ‘ଆଶ୍ରମ’ ୱେବ ସିରିଜରେ ବବି ଡେବ୍ୟୁ କରିବାକୁ ଯାଉଛନ୍ତି । ଏହି ସିରିଜଟି ଲକ୍ଷ ଲକ୍ଷ ଲୋକଙ୍କ ଅନ୍ଧବିଶ୍ବାସ ଉପରେ ଆଧାରିତ । ଯେଉଁମାନେ ଠକ ବାବା, ଗୁରୁଙ୍କ ଉପରେ ବିଶ୍ବାସ କରି ନିଜର ସବୁ ହରାନ୍ତି।

ସେହିପରି ବବି ‘ଆଶ୍ରମ’ରେ କାଶୀପୁର ବାବା ନିରାଲାଙ୍କ ଭୂମିକାରେ ଅଭିନୟ କରୁଥିବାର ଦେଖାଯିବେ । ଏହି ଟ୍ରେଲରରେ ଦେଖିବାକୁ ମିଳୁଛି କିପରି ବାବା ଲୋକଙ୍କ ବିଶ୍ବାସ ସହ ଖେଳୁଥିବାର । ଏହାସହ କିପରି ଜଘନ୍ୟ ଅପରାଧ କରୁଛନ୍ତି ବାବାମାନେ ତାର ଝଲକ ମଧ୍ୟ ଟ୍ରେଲରରେ ଦେଖିବାକୁ ମିଳିବ । ଏମାସ 28 ତାରିଖରେ ମ୍ୟାକ୍ସ ପ୍ଲେୟାରରେ ଷ୍ଟ୍ରିମିଂ ହେବ ସିରିଜ । ଦେଖନ୍ତୁ ଟ୍ରେଲର...

• " class="align-text-top noRightClick twitterSection" data="">

ପ୍ରକାଶ ଥାଉକି ‘ଆଶ୍ରମ’ ବ୍ୟତୀତ ସୁପରଷ୍ଟାର ଶାହରୁଖ ଖାନଙ୍କ ପ୍ରଡକ୍ସନ ହାଉସରେ ନିର୍ମାଣ ହେଉଥିବା ଫିଲ୍ମ ‘କ୍ଲାସ ଅଫ 83’ରେ ପୋଲିସ ଅଫିସର ଭୂମିକାରେ ନଜର ଆସିବେ ବବି । ଯାହାକୁ ନେଇ ଏକ୍ସାଇଟେଡ ଫ୍ୟାନ୍ସ ।