ମୁମ୍ବାଇ: ଦୀର୍ଘ ସମୟରୁ ଆୟୁଷ୍ମାନ ଖୁରାନା ନିଜର ଅପକମିଂ ରୋମାଣ୍ଟିକ ଫିଲ୍ମ ‘ଚଣ୍ଡିଗଡ କରେ ଆଶିକୀ’କୁ ନେଇ ଚର୍ଚ୍ଚାରେ ରହିଆସୁଛନ୍ତି । ପ୍ରଥମଥର ସେ ଏହି ଫିଲ୍ମରେ ଅଭିନେତ୍ରୀ ବାନୀ କପୁରଙ୍କ ସହ ରୋମାନ୍ସ କରିବେ । ଇତିମଧ୍ୟରେ ଅଭିନେତାଙ୍କୁ ନେଇ ଆଉ ଏକ ଖବର ବର୍ତ୍ତମାନ ଚର୍ଚ୍ଚାରେ ।
କଥାଟି ହେଲା ଯେ ନିକଟରେ ଫିଲ୍ମ ନିର୍ମାତା ସନ୍ଦୀପ ସିଂ ସ୍ବାଧୀନତା ସଂଗ୍ରାମୀ ବୀର ସାବରକରଙ୍କ ବାୟୋପିକ ନିର୍ମାଣ କରିବା ଘୋଷଣା କରିଥିଲେ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇବେ ମହେଶ ମାଞ୍ଜରେକର ।
ଆଉ ଏହି ଫିଲ୍ମ ପାଇଁ ଆୟୁଷ୍ମାନଙ୍କ ନାମ ତାଲିକାରେ ଅଛି । ସେ ସାବରକରଙ୍କ ଭୂମିକାରେ ଅଭିନୟ କରିପାରନ୍ତି । ଆୟୁଷ୍ମାନଙ୍କ ବ୍ୟତୀତ ରାଜକୁମାର ରାଓଙ୍କ ନାମକୁ ନେଇ ଖୁବ୍ ଚର୍ଚ୍ଚା ହେଉଛି । ହେଲେ କିଛି ମିଡିଆ ରିପୋର୍ଟ ଅନୁଯାୟୀ ଆୟୁଷ୍ମାନଙ୍କୁ ଫିଲ୍ମ ପାଇଁ ଚୟନ କରିସାରିଛନ୍ତି ମେକର୍ସ । କିନ୍ତୁ ଅଭିନେତାଙ୍କ ତରଫରୁ ଏଯାବତ କୌଣସି ସୂଚନା ମିଳିନାହିଁ ।
