ମୁମ୍ବାଇ: ବଲିଉଡ ଦୁଇ ହ୍ୟାଣ୍ଡସମ ଆକ୍ଟର ଅର୍ଜୁନ କପୁର ଓ ରଣବୀର ସିଂ ପରସ୍ପରର ଭଲ ବନ୍ଧୁ ମଧ୍ୟ । ଏହି ଯୋଡିଙ୍କୁ ପ୍ରାୟତଃ ଏକାଠି ଦେଖିବାକୁ ମିଳିଥିଲା । ଆଉ ଯେବେ ମଧ୍ୟ ଏକାଠି ନଜର ଆସନ୍ତି ତାହା ଚର୍ଚ୍ଚାର ବିଷୟ ପାଲଟେ । ଇତିମଧ୍ୟରେ ଦେଖିବାକୁ ମିଳିଛି ସମାନ ଘଟଣା । ବୁଧବାର ପରସ୍ପରକୁ ଭେଟିଲେ ଅର୍ଜୁନ ଓ ରଣବୀର ।
ଯାହାର ଫଟୋ ଇନଷ୍ଟାଗ୍ରାମ ଷ୍ଟୋରିରେ ସେୟାର କରିଛନ୍ତି ରଣବୀର । ସେହିପରି ଭାଇରାଲ ହେଉଥିବା ଫଟୋରେ ଦେଖିବାକୁ ମିଳୁଛି ଅର୍ଜୁନଙ୍କୁ କିସ୍ କରୁଥିବାର ନଜର ଆସୁଛନ୍ତି ରଣବୀର । ଖାଲି ଏତିକି ନୁହେଁ ଫଟୋ ଉପରେ ମଜାଦାର ଅନ୍ଦାଜରେ ରଣବୀର ଲେଖିଛନ୍ତି, ‘ଭାରତ ମିଲାପ୍ ।’
ସେପଟେ ଅର୍ଜୁନ ମଧ୍ୟ ରଣବୀରଙ୍କ ପୋଷ୍ଟକୁ ରିପୋଷ୍ଟ କରିଛନ୍ତି । ବର୍ତ୍ତମାନ ଭାଇରାଲ ହେଉଥିବା ଏହି ଫଟୋରେ ଦୁଇ ଅଭିନେତାଙ୍କ ବଣ୍ଡିଂ ଦେଖିବାକୁ ମିଳୁଛି ।
ପ୍ରକାଶ ଥାଉକି ଅର୍ଜୁନ ଓ ରଣବୀର ଏକାଠି 2014ରେ ରିଲିଜ ହୋଇଥିବା ଫିଲ୍ମ ‘ଗୁଣ୍ଡେ’ରେ ଅଭିନୟ କରିଥିଲେ । ଆଉ ଦୁଇଜଣଙ୍କ ସହ ରୋମାନ୍ସ କରିଥିଲେ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ।
