ମୁମ୍ବାଇ: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଜାରି ରହିଛି ଭୋଟଗ୍ରହଣ। ଧିରେଧିରେ ନିଜ ପସନ୍ଦଯୋଗ୍ୟ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଭିଡ ଜମାଇଲେଣି ଭୋଟର। କେବଳ ମତଦାତାଙ୍କୁ ମତଦାନ କେନ୍ଦ୍ରରେ ଦେଖିବାକୁ ମିଳୁନାହିଁ। ସେଲିବ୍ରିଟି ମଧ୍ୟ ନିଜ ବ୍ୟସ୍ତବହୁଳତା ଜୀବନରୁ ସମୟ କାଢି ଭୋଟ ଦେବାକୁ ପାଇଁ ପହଞ୍ଚୁଛନ୍ତି ।
ଏହି କ୍ରମରେ ଅଭିନେତା ଅତୁଲ କୁଲକର୍ଣ୍ଣୀ ଓ ତାଙ୍କ ପତ୍ନୀ ଗୀତାଞ୍ଜଳୀ କୁଲକର୍ଣ୍ଣୀଙ୍କୁ ଦେଖିବାକୁ ମିଳୁଛି। ଆଉ ଏହି ଅବସରରେ ସେ କହିଛନ୍ତି କି ସାଧାରଣ ଜନତାଙ୍କୁ ଜଣାଥିବା ଦରକାର କି ସେ ଭୋଟ ଦେଉଥିବା ପ୍ରାର୍ଥୀ ବାସ୍ତବରେ କରୁଛନ୍ତି କ’ଣ।
ଅନ୍ୟପଟେ ଗୀତାଞ୍ଜଳୀ ମଧ୍ୟ ନିଜ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ ପ୍ରତ୍ୟେକ ପାର୍ଟି ସେହି ଭୂମିକା ଉପରେ ଅଧିକ ବ୍ୟାପକ ବିଚାର କରିବା ଦରକାର । ଯାହା ସବୁ ପାର୍ଟି ନିଜ ପ୍ରତିଜ୍ଞାକୁ ପୁରା କରିବାକୁ କରନ୍ତି।
ସେହିପରି ଭୋଜପୁରୀ ଅଭିନେତା ତଥା ଗୋରଖପୁରର ବିଜେପି ସାଂସଦ ରବି କିଶନ ଓ ଅଭିନେତ୍ରୀ ପଦ୍ମିନି କୋହ୍ଲାପୁରୀ ମୁମ୍ବାଇ ଗୋରେଗାଁ ଏବଂ ଅନ୍ଧେରୀର ମତଦାନ କେନ୍ଦ୍ରରେ ଭୋଟ ଦେଇଛନ୍ତି।
ସେପଟେ ବି-ଟାଉନର ମିଷ୍ଟର ପରଫେକ୍ସନିଷ୍ଟ ଆମୀର ଖାନ ମଧ୍ୟ ନିଜ ପତ୍ନୀ କିରନ ରାଓଙ୍କ ସହ ଭୋଟ ଦେବାକୁ ବାନ୍ଦ୍ରା ମତଦାନ କେନ୍ଦ୍ରରେ ପହଞ୍ଚିଛନ୍ତି । ଅଭିନେତା ରିତେଶ ଦେଶମୁଖ ପରିବାର ସହ ଲାଟୁର ମତଦାନ କେନ୍ଦ୍ରରେ ଭୋଟ ଦେଇଛନ୍ତି ।
ବି-ଟାଉନର ଧକଧକ ଗାର୍ଲ ମାଧୁରୀ ଦୀକ୍ଷିତ ମଧ୍ୟ ବାନ୍ଦ୍ରା ମତଦାନ କେନ୍ଦ୍ରରେ ଭୋଟ ଦେଇଛନ୍ତି । ମାଧୁରୀଙ୍କ ପରେ ବିଶିଷ୍ଟ ଅଭିନେତା ପ୍ରେମ ଚୋପ୍ରା ଓ ଲୋକପ୍ରିୟ ସଙ୍ଗୀତକାର ଗୁଲଜାର ମଧ୍ୟ ବାନ୍ଦ୍ରାରେ ଭୋଟ ଦେଇଛନ୍ତି । ସେହିପରି ନିଜର ବହୁମୂଲ୍ୟ ମତଦାନ କରିଛନ୍ତି ସୁପରଷ୍ଟାର ହ୍ରିତିକ ରୋଶନ, ଦୀପିକା ପାଦୁକୋନ, ଅନିଲ କପୁର, ଶବାନା ଆଜମୀ ଓ ତାଙ୍କ ସ୍ବାମୀ ତଥା ବିଶିଷ୍ଟ ସଙ୍ଗୀତକାର ଜାଭେଦ ଅଖତର । ଅନ୍ୟପଟେ ଭଜନ ସମ୍ରାଟ ଅନୁପ ଜୋଲଟା ଏବଂ ମଥୁରାର ବିଜେପି ସାଂସଦ ତଥା ଅଭିନେତ୍ରୀ ହେମାମାଳିନୀ ମଧ୍ୟ ଭୋଟ ଦେଇଛନ୍ତି ।
କେବଳ ମହାରାଷ୍ଟ୍ରରେ ନୁହେଁ ହରିୟାଣାରେ ମଧ୍ୟ ମତଦାନ ପ୍ରକ୍ରିୟା ଆରମ୍ଭ ହୋଇଯାଇଛି। ଫେମସ ଟିକଟକ ଅଭିନେତ୍ରୀ ସୋନାଲୀ ଫୋଗଟ ଏଥର ବିଜେପି ଟିକେଟରୁ ଆଦମପୁର ଆସନରୁ ଲଢୁଛନ୍ତି।
