ମୁମ୍ବାଇ: ଆକ୍ସନ ଷ୍ଟାର ଟାଇଗର ଶ୍ରଫ ଖୁବଶୀଘ୍ର ଆକ୍ସନ ଡ୍ରାମା ଫିଲ୍ମ ‘ହିରୋପନ୍ତୀ 2’ ନେଇ ପରଦାରେ ନଜର ଆସିବେ । ଯାହାର ସୁଟିଂ ସେ ଆସନ୍ତା ମାସ 3 ତାରିଖରୁ ମୁମ୍ବାଇରେ ଆରମ୍ଭ କରିବେ । ବର୍ତ୍ତମାନ ସାଜିଦ ନାଦିଆଦୱାଲାଙ୍କ ଏହି ଫିଲ୍ମର ପ୍ରି-ପ୍ରଡକ୍ସନର କାମ ଚାଲିଛି । ‘ବାଗି 2’ ଓ ‘ବାଗି 3’ ପରେ ‘ହିରୋପନ୍ତୀ 2’ ଟାଇଗରଙ୍କ ଅହମ୍ମଦ ଖାନଙ୍କ ସହ ତୃତୀୟ ଫିଲ୍ମ ।
ଇତିମଧ୍ୟରେ ଶୁଣିବାକୁ ମିଳୁଛି ଯେ ‘ହିରୋପନ୍ତୀ 2’ର ପ୍ରଥମ ସିଡ୍ୟୁଲ ମୁମ୍ବାଇରେ ସୁଟ କରାଯିବ । ଯାହାପରେ କୋଭିଡ ସ୍ଥିତି ଦେଖି ଅନ୍ୟ ସୁଟିଂ ଲୋକେଶନ ଉପରେ ଆଲୋଚନା କରିବେ ମେକର୍ସ । ସେପଟେ ଟାଇଗର ଏକ ବଡ ଆକ୍ସନ ସିକ୍ବେନ୍ସ ସହ ଫିଲ୍ମର ସୁଟିଂ ଆରମ୍ଭ କରିବେ । ଯାହାର ପ୍ରସ୍ତୁତି ହୋଇସାରିଛି । ଟାଇଗରଙ୍କ ସୁଟିଂର ଗୋଟିଏ ସପ୍ତାହ ପରେ ଲିଡିଂ ଲେଡି ତାରା ସୁତାରିଆ ଟିମରେ ସାମିଲ ହେବେ ।
ଏହି ଫିଲ୍ମରେ ଏକାଡେମୀ ପୁରସ୍କାର ବିଜେତା ଆର୍ ରେହମାନ ଏବଂ ଗୀତିକାର ମେହବୁବଙ୍କୁ ସାମିଲ କରିଛନ୍ତି ମେକର୍ସ । ଅହମ୍ମଦ, ରେହମାନ ଏବଂ ମେହବୁବ ପାଖାପାଖି 25 ବର୍ଷରେ ପୁଣି ଏକାଠି କାମ କରିବାକୁ ଯାଉଛନ୍ତି । ଏହି ତିନିଜଣ ଫିଲ୍ମ ରଙ୍ଗୀଲାରେ ଏକାଠା କାମ କରିଥିଲେ ।
ପ୍ରକାଶ ଥାଉକି ଟାଇଗରଙ୍କ ଡେବ୍ୟୁ ଫିଲ୍ମ ‘ହିରୋପନ୍ତୀ’ର ସିକ୍ବେଲ ଫିଲ୍ମ ‘ହିରୋପନ୍ତୀ 2’ । ପ୍ରଥମ ଫିଲ୍ମରେ ତାଙ୍କ ସହ ରୋମାନ୍ସ କରିଥିଲେ ସୁନ୍ଦରୀ ଅଭିନେତ୍ରୀ କ୍ରୀତି ସାନନ । ଆଉ ଏଥର ତାରାଙ୍କ ସହ ଜମିବ ତାଙ୍କ ଯୋଡି ।
