ବର୍ଲିନ୍: ବିଶ୍ୱରେ ପ୍ରଥମ ଯାତ୍ରୀବାହୀ ହାଇଡ୍ରୋଜେନ୍ ଦ୍ୱାରା ପରିଚାଳିତ ଟ୍ରେନ୍ ନେଟୱାର୍କ ଆରମ୍ଭ(World First hydrogen passenger Train Network) । ଜର୍ମାନ ଫେଡେରାଲ୍ ରାଜ୍ୟ ଲୋୟର ସାକ୍ସୋନିରେ ଏହି ସେବା ଆରମ୍ଭ ହୋଇଛି(Hydrogen Powered Trains Begin) । ଫ୍ରାନ୍ସ ନିର୍ମାତା ଆଲଷ୍ଟମ୍ ଦ୍ୱାରା ପ୍ରସ୍ତୁତ ହାଇଡ୍ରୋଜେନ୍ ଇନ୍ଧନ ସେଲ୍ ଡ୍ରାଇଭ୍ ସହିତ 14ଟି ଟ୍ରେନ୍ ଡିଜେଲ ଟ୍ରେନକୁ ପରିବର୍ତ୍ତିତ ହେବ ।
ପରୀକ୍ଷା କାର୍ଯ୍ୟ ଆରମ୍ଭ ହେବାର ପ୍ରାୟ ଚାରି ବର୍ଷ ପରେ, ହାଇଡ୍ରୋଜେନ୍ ଚାଳିତ ବିଶ୍ୱର ପ୍ରଥମ ଯାତ୍ରୀବାହୀ ଟ୍ରେନ୍ ନେଟୱାର୍କ ଜର୍ମାନ ଫେଡେରାଲ୍ ରାଜ୍ୟ ଲୋୟର ସାକ୍ସୋନିରେ ଆରମ୍ଭ କରାଯାଇଛି । ଏନେଇ ନ୍ୟୁଜ୍ ଏଜେନ୍ସି ଲୋୟର ସାକ୍ସୋନି, LNVGର ସ୍ଥାନୀୟ ପରିବହନ ପ୍ରାଧିକରଣକୁ ବୁଧବାର ସୂଚନା ଦେଇଛନ୍ତି । ନୂତନ ଟ୍ରେନ୍ ମଧ୍ୟରୁ ପାଞ୍ଚଟି କାର୍ଯ୍ୟକ୍ଷମ ହୋଇସାରିଛି, ଅନ୍ୟଗୁଡିକ ବର୍ଷ ଶେଷ ସୁଦ୍ଧା କାର୍ଯ୍ୟକାରୀ ହେବ ।
ଲୋୟର ସାକ୍ସୋନିର ମନ୍ତ୍ରୀ ତଥା ସଭାପତି ଷ୍ଟିଫାନ୍ ୱିଲ କହିଛନ୍ତି ଯେ, "ଏହି ପ୍ରକଳ୍ପ ବିଶ୍ୱବ୍ୟାପୀ ଏକ ଆଦର୍ଶ ଅଟେ । ନବୀକରଣ ଯୋଗ୍ୟ ଶକ୍ତିର ଏକ ରାଜ୍ୟ ଭାବରେ ଆମେ ପରିବହନ କ୍ଷେତ୍ରରେ ଜଳବାୟୁ ନିରପେକ୍ଷତା ପଥରେ ଏକ ମାଇଲଖୁଣ୍ଟ ସ୍ଥାପନ କରୁଛୁ ।" ଦୁଇ ବର୍ଷର ପରୀକ୍ଷଣ କାର୍ଯ୍ୟ ସମୟରେ, ଦୁଇଟି ପ୍ରି-ସିରିଜ୍ ଟ୍ରେନ୍ କୌଣସି ଅସୁବିଧା ବିନା ଚାଲିଥିବା କହିଛନ୍ତି ।
ଏହି ପ୍ରକଳ୍ପର ମୋଟ ମୂଲ୍ୟ ପ୍ରାୟ 93 ନିୟୁତ ୟୁରୋ । ଆଲଷ୍ଟମ୍ ଏକ ବିବୃତ୍ତିରେ କହିଛନ୍ତି ଯେ, କୋରାଡିଆ ନିର୍ଗମନ ମୁକ୍ତ ହାଇଡ୍ରୋଜେନ୍ ଇନ୍ଧନ ସେଲ୍ ଟ୍ରେନଗୁଡିକର ସୀମା 1000 କିଲୋମିଟର ଅଟେ, ଯାହା ସେମାନଙ୍କୁ ଦିନସାରା କେବଳ ହାଇଡ୍ରୋଜେନର ଏକ ଟ୍ୟାଙ୍କରେ ଚାଲିବାକୁ ସକ୍ଷମ କରିଥାଏ । LNVG ଅନୁଯାୟୀ, ଟ୍ରେନଗୁଡିକ 1.6 ମିଲିୟନ୍ ଲିଟର ଡିଜେଲ ସଞ୍ଚୟ କରିବ ଏବଂ ଏହିପରି CO2 ନିର୍ଗମନକୁ ବର୍ଷକୁ 4,400 ଟନ୍ ହ୍ରାସ କରିବ ।
ଏହି ଟ୍ରେନର ଘଣ୍ଟା ପ୍ରତି ସର୍ବାଧିକ 140 କିଲୋମିଟର ବେଗ ରହିଛି । ଭବିଷ୍ୟତରେ ଆମେ ଆଉ ଡିଜେଲ ଟ୍ରେନ୍ କିଣିବୁ ନାହିଁ ବୋଲି LNVG ମୁଖପାତ୍ର ଡିର୍କ ଆଲ୍ଟୱିଗ୍ Xinhua ନ୍ୟୁଜ ଏଜେନ୍ସିକୁ କହିଛନ୍ତି । ସେ ଆହୁରି ମଧ୍ୟ କହିଛନ୍ତି, "ବ୍ୟବହୃତ ହେଉଥିବା ଅନ୍ୟ ପୁରୁଣା ଡିଜେଲ ଟ୍ରେନଗୁଡିକ ପରବର୍ତ୍ତୀ ସମୟରେ ନିଶ୍ଚିତ ଭାବେ ବଦଳାଯିବ । ହାଇଡ୍ରୋଜେନ୍ କିମ୍ବା ବ୍ୟାଟେରୀ ଚାଳିତ ଟ୍ରେନ୍ ଚଳାଚଳ କରିବ କି ନାହିଁ ତାହା ଏପର୍ଯ୍ୟନ୍ତ କମ୍ପାନୀ ସ୍ଥିର କରି ନାହିଁ । 1990 ସ୍ତର ତୁଳନାରେ 2030 ସୁଦ୍ଧା ଗ୍ରୀନ୍ ହାଉସ୍ ଗ୍ୟାସ୍ ନିର୍ଗମନକୁ 65 ପ୍ରତିଶତ ହ୍ରାସ କରିବାକୁ ଜର୍ମାନୀ ଲକ୍ଷ୍ୟ ରଖିଛି । ମୂଳ ଯୋଜନା ଠାରୁ ପାଞ୍ଚ ବର୍ଷ ପୂର୍ବରୁ ଜଳବାୟୁ ନିରପେକ୍ଷତା 2045 ସୁଦ୍ଧା ପହଞ୍ଚାଇବାରୁ ଯୋଜନା ରଖାଯାଇଛି ।"
