ହାଇଦ୍ରାବାଦ: ଜେନେଟିକ୍ସର ପ୍ରାରମ୍ଭିକ ଇତିହାସରେ ଜଣେ ଅଗ୍ରଣୀ ତଥା ବିବାଦୀୟ ବ୍ୟକ୍ତିତ୍ୱ ଥିଲେ ୱିଲିୟମ୍ ବେଟସନ । ଆଜି ହେଉଛି ତାଙ୍କ ଜନ୍ମବାର୍ଷିକୀ । ୱିଲିୟମ୍ ବେଟସନ୍ ୟୁନାଇଟେଡ୍ କିଙ୍ଗଡମର ହ୍ୱିଟବିରେ ଜନ୍ମଗ୍ରହଣ କରିଥିଲେ । ଏବଂ ଗୁଇ ହସ୍ପିଟାଲର ସିନିୟର ସର୍ଜନ ସ୍ୱର୍ଗତ ଆର୍ଥର ଡୁରହମଙ୍କ ଝିଅ ବିଟ୍ରିସଙ୍କୁ ବିବାହ କରିଥିଲେ । ୱିଲିୟମ୍ ବେଟସନଙ୍କ କିଛି ସଫଳତା ଏବଂ କାର୍ଯ୍ୟଗୁଡ଼ିକ ଉପରେ ନଜର ପକାନ୍ତୁ....
ବେଟସନ ରଗବୀ ବିଦ୍ୟାଳୟରେ ପଢିଥିଲେ ଏବଂ କେମ୍ବ୍ରିଜ୍ର ସେଣ୍ଟ ଜୋନ୍ କଲେଜରେ ତାଙ୍କର ଶିକ୍ଷା ଜାରି ରଖିଥିଲେ । ପଢୁଥିବା ସମୟରେ ସେଠାରେ ସେ ଛାତ୍ରବୃତ୍ତି ହାସଲ କରିଥିଲେ । ସେ 1882 ଏବଂ 1883 ର ପ୍ରାକୃତିକ ବିଜ୍ଞାନ ଟ୍ରିପୋସ୍ ପରୀକ୍ଷାରେ ପ୍ରଥମ ସ୍ଥାନ ଅଧିକାର କରିଥିଲେ । ପରବର୍ତ୍ତୀ ବର୍ଷରେ, ସେ ଏକ ଫେଲୋସିପ୍ ପାଇଁ ନିର୍ବାଚିତ ହୋଇଥିଲେ ଏବଂ 1910 ମସିହାରେ ସେଣ୍ଟ ଜୋନ୍ କଲେଜର ସମ୍ମାନଜନକ ସହକର୍ମୀ ହୋଇଥିଲେ ।
ବେଟସନ୍ କେମ୍ବ୍ରିଜ୍ ବିଶ୍ୱବିଦ୍ୟାଳୟରୁ ଏମ ଏ ଡିଗ୍ରୀ ଏବଂ ଶେଫ୍ ଫିଲ୍ଡ ୟୁନିଭର୍ସିଟିର ସମ୍ମାନଜନକ ଡକ୍ଟର ଅଫ୍ ସାଇନ୍ସ ଡିଗ୍ରୀ ହାସଲ କରିଥିଲେ । କେମ୍ବ୍ରିଜ୍ର ବିଶ୍ୱବିଦ୍ୟାଳୟରେ ଜଣେ ଛାତ୍ର ଏବଂ ପରେ ଜଣେ ଗବେଷକ ଭାବରେ, ବେଟସନ୍ ପ୍ରଜାତିର ପରିବର୍ତ୍ତନ ଏବଂ ବଂଶାନୁକ୍ରମିକତା ପାଇଁ ଆଗ୍ରହ ପ୍ରକାଶ କରିଥିଲେ । ପରିବେଶର ଅବସ୍ଥା କିପରି ପରିବର୍ତ୍ତନ ସହିତ ଜଡିତ ତାହା ଉପରେ ତଥ୍ୟ ସଂଗ୍ରହ କରିଥିଲେ ।
୧894 ମସିହାରେ, ସେ ତାଙ୍କ ପର୍ଯ୍ୟବେକ୍ଷଣ ଉପରେ ଆଧାର କରି ଷ୍ଟଡି ଅଫ୍ ଭେରାଇଜେସନ୍ ପାଇଁ ଏକ ପୁସ୍ତକ ସାମଗ୍ରୀ ପ୍ରକାଶ କରିଥିଲେ । ଏହି ପୁସ୍ତକରେ ସେ ମେଣ୍ଡେଲିଆନ୍ ଲ ବିଷୟରେ ବର୍ଣ୍ଣନା କରିଛନ୍ତି । ୧902 ସୁଦ୍ଧା, ବେଟସନ ମେଣ୍ଡେଲଙ୍କ କାର୍ଯ୍ୟଗୁଡ଼ିକୁ ଇଂରାଜୀରେ ଅନୁବାଦ କରିଥିଲେ ଏବଂ ମେଣ୍ଡେଲିଆନ୍ ନିୟମର ଜଣେ ଦୃଢ ସମର୍ଥକ ଥିଲେ ।
ବେଟସନ 1910 ମସିହାରେ କେମ୍ବ୍ରିଜ ଛାଡି ମର୍ଟନରେ ଜନ୍ ଇନସ୍ ଉଦ୍ୟାନ କୃଷି ପ୍ରତିଷ୍ଠାନର ନିର୍ଦ୍ଦେଶକ ଭାବେ ଦାୟିତ୍ୱ ଗ୍ରହଣ କରିଥିଲେ । କେମ୍ବ୍ରିଜ ସହିତ ଯୋଗାଯୋଗ ରଖି ସେ ଜର୍ନାଲ୍ ଅଫ୍ ଜେନେଟିକ୍ସର ସହ-ପ୍ରତିଷ୍ଠା କରିଥିଲେ । ଡେନିଶ୍ ଉଦ୍ଭିଦ ବିଜ୍ଞାନୀ ୱିଲହେଲମ୍ ଜୋହାନସେନ୍ ଜିନ୍ ଶବ୍ଦକୁ ମେଣ୍ଡେଲିଆନ୍ ବଂଶର ବର୍ଣ୍ଣନା କରିବାକୁ ପ୍ରସ୍ତୁତ କରିଥିଲେ । ସେ ଜଣେ ବ୍ୟକ୍ତିର ବାହ୍ୟ ରୂପ (ଫେନୋଟାଇପ୍) ଏବଂ ଏହାର ଜେନେଟିକ୍ ଗୁଣ (ଜେନୋଟାଇପ୍) ମଧ୍ୟରେ ପାର୍ଥକ୍ୟ ମଧ୍ୟ କରିଥିଲେ ।
ଚାରି ବର୍ଷ ପୂର୍ବେ, ପ୍ରାରମ୍ଭିକ ଜେନେଟିକ୍ ତଥା ମେଣ୍ଡେଲଙ୍କ ଚିନ୍ତାଧାରାର ପ୍ରୋତ୍ସାହକ ୱିଲିୟମ୍ ବେଟସନ ଏକ ଚିଠିରେ ଜେନେଟିକ୍ସ ଶବ୍ଦ ବ୍ୟବହାର କରିଥିଲେ । ବଂଶାନୁକ୍ରମିକ ଅଧ୍ୟୟନ ଏବଂ ଉତ୍ତରାଧିକାରୀ ପରିବର୍ତ୍ତନଗୁଡ଼ିକର ବର୍ଣ୍ଣନା କରିବାକୁ ସେ ଏକ ନୂତନ ଶବ୍ଦର ଆବଶ୍ୟକତା ଅନୁଭବ କଲେ । କିନ୍ତୁ ୱିଲହେଲମ ଜୋହାନସେନ୍ ପରାମର୍ଶ ଦେଇଛନ୍ତି ଯେପର୍ଯ୍ୟନ୍ତ ଉତ୍ତରାଧିକାରର ମେଣ୍ଡେଲିଆନ୍ କାରକକୁ ଜିନ୍ କୁହାଯିବ । ପ୍ରସ୍ତାବିତ ଶବ୍ଦଟି ଗ୍ରୀକ୍ ଶବ୍ଦ ଜେନୋସ୍ ରୁ ଚିହ୍ନିତ, ଯାହାର ଅର୍ଥ ହେଉଛି "ଜନ୍ମ" । ବାଟସନ ଅନ୍ୟ ଜୀବବିଜ୍ଞାନୀ ତଥା ବୈଜ୍ଞାନିକମାନଙ୍କୁ ପ୍ରଭାବିତ କରିଥିଲେ ଯେପରିକି ଆର୍ଚିବାଲ୍ଡ ଗାରୋଡ, ଥୋମାସ ହଣ୍ଟ ମୋର୍ଗାନ ଏବଂ ଚାର୍ଲ୍ସ ଡେଭେନ୍ପୋର୍ଟ ।
ବ୍ୟୁରୋ ରିପୋର୍ଟ, ଇଟିଭି ଭାରତ
