ହାଇଦ୍ରାବାଦ: ଭାରତରେ ହ୍ବାଟ୍ସଆପରେ 500 ମିଲିୟନରୁ ଅଧିକ ୟୁଜର୍ସ ରହିଥିବା ବେଳେ ବିଶ୍ବରେ 2ମିଲିୟନରୁ ଅଧିକ ଲୋକ ଏହି ଆପ ବ୍ୟବହାର କରୁଛନ୍ତି । ଉପଭୋକ୍ତା ଅଭିଜ୍ଞତାକୁ ଉନ୍ନତ କରିବାକୁ, କମ୍ପାନୀ ସମୟ ସମୟରେ ଆପର ନୂଆ ନୂଆ ଅପଡେଟ ଆଣିଥାଏ । ଏହାରି ଭିତରେ ହାଟ୍ସଆପରେ ଚାଟିଂକୁ ଆହୁରି ମଜାଦାର କରିବା ପାଇଁ ହ୍ବାଟ୍ସଆପ ଏକ ଅପଡେଟ କିବୋର୍ଡ ଆଣିବାକୁ ଯାଉଛି । ଏଥିରେ ୟୁଜର୍ସ ପାଇଁ ଚାଟିଂ ଆହୁରି ମଜାଦାର ହୋଇପାରିବ ।
Wabetainfoର ତଥ୍ୟ ଅନୁସାରେ, କମ୍ପାନୀ କିବୋର୍ଡର UIକୁ ପୁନଃ ଡିଜାଇନ୍ କରୁଛି । ଏହି ଅପଡେଟରେ ୟୁଜର୍ସଙ୍କ ଚାଟିଂ ଆହୁରି ମଜାଦାର ହୋଇପାରିବ । ଆଗକୁ ଆସୁଥିବା କିବୋର୍ଡରେ GIF, ଷ୍ଟିକର୍ ଏବଂ ଇମୋଜିର ସ୍ଥାନ ବଦଳିବ । ମନ ପସନ୍ଦର ଇମୋଜି ପଠାଇବା ଆହୁରି ସହଜ ହେବ । କମ୍ପାନୀ ଇମୋଜି ଅପସନକୁ ତଳୁ ଉପରକୁ ଆଣିବ । ଏଣିକି ଟେକ୍ସ ଅପସନ ତଳେ ରହିବ ଇମୋଜି ଏବଂ ଜିଆଇଏଫ । ଏହାସହ ଆଗାମୀ ଅପଡେଟରେ ମଜାଦାର ଇମୋଜି ମଧ୍ୟ ଆସିବା ନେଇ ସୂଚନା ଦିଆଯାଇଛି । ଅନ୍ୟପଟେ ଟେକ୍ସ ଟାଇପ କରିବା ପାଥରେ ଆପଣ ଫାଇଲ ଟ୍ରାନ୍ସଫରର ମଧ୍ୟ ସୁବିଧା ପାଇପାରିବେ । ସେହି ଅପ୍ସନକୁ କ୍ଲିକ କରିବା ମାତ୍ରେ ଆପଣ କଣ୍ଟାକ୍ଟ, ଗ୍ୟାଲେରି, ପେମେଣ୍ଟ ସୁବିଧା ପାଇପାରିବେ ।
ମୋଟ ଉପରେ, କମ୍ପାନୀ ଭଲ ଚାଟିଂ ଅଭିଜ୍ଞତା ଏବଂ ସମସ୍ତ କାର୍ଯ୍ୟରେ ଗୋଟିଏ କ୍ଲିକ୍ ଆକ୍ସେସ୍ ପାଇଁ ଆପର ଅପଡେଟ ଆଣିଛି । ବର୍ତ୍ତମାନ ଏହି ସୁବିଧା ବିଟା ଚେଷ୍ଟରଙ୍କ ପାଇଁ ରହିଥିବା ବେଳେ ଆଗାମୀ ଦିନରେ ଏହା ସମସ୍ତଙ୍କ ପାଇଁ ଉପଲବ୍ଧ ହେବ ବୋଲି ଜଣାପଡିଛି ।
