ଚେନ୍ନାଇ: ପୋରୁର ରେଷ୍ଟୁରାଣ୍ଟରେ ପ୍ରଥମ ଥର ପାଇଁ ରୋବର୍ଟ ବ୍ୟବହାର ହୋଇଛି । ଖାଲି ସ୍ବାଗତ କରିବା ପାଇଁ ନୁହଁ, ଲୋକଙ୍କ ସହ ଇଂରାଜୀ ଓ ତାମିଲ ଭାଷାରେ କଥା ହୋଇପାରୁଛି ଏହି ରୋବର୍ଟ । ମୋଟ 2 ପ୍ରକାରର ରୋବର୍ଟ ରହିଛି ।
ଏହି ରେଷ୍ଟୁରାଣ୍ଟ ଚେନ୍ନାଇ ମୁଗିଲଭାକ୍କାମରେ ରହିଛି । ମୋଟ୍ 7ଟି ରୋବର୍ଟକୁ ନେଇ ଏହି ରେଷ୍ଟୁରାଣ୍ଟ ଚାଲିଥିବା ଜଣାପଡିଛି । ଖାଇବା ପରଷିବା ସହ ଚା, କଫି ଇତ୍ୟାଦି ଲୋକଙ୍କ ଅଡର ଅନୁଯାୟୀ ଆଣି ଖାଇବା ଟେବୁଲରେ ଏହି ରୋବର୍ଟ ଦେଉଛି ।
ସବୁଠୁ ବଡ଼ କଥା ହେଲା ରେଷ୍ଟୁରାଣ୍ଟରେ ଗ୍ରାହକଙ୍କୁ ସ୍ବାଗତ କରିବା ପାଇଁ ଜଣେ ମହିଳା ରୋବର୍ଟ ରହିଛି । ଯିଏକି ଗ୍ରାହକଙ୍କୁ ଗାଇଡ୍ କରୁଛି । ପ୍ରତି ରୋବର୍ଟ ଗୁଡିକର ଦାମ 5 ଲକ୍ଷ ରହିଥିବା ସୂଚନା ରହିଛି । ରେଷ୍ଟୁରାଣ୍ଟରେ କାମ କରିବା ପାଇଁ ପ୍ରତିଟି ରୋବର୍ଟକୁ ଆବଶ୍ୟକ ତାଲିମ ଦିଆଯାଇଥିବା ସୂଚନା ରହିଛି ।
ତେବେ ଏହି ରୋବର୍ଟର ନାମକରଣ ହୋଇ ନାହିଁ । ରେଷ୍ଟୁରାଣ୍ଟ ମାଲିକ ଗ୍ରାହକ ଓ ସାଧାରଣ ଲୋକଙ୍କୁ ରୋବର୍ଟର ନାମ ଦେବା ପାଇଁ ପ୍ରସ୍ତାବ ଦେଇଛନ୍ତି ।
