ନୂଆଦିଲ୍ଲୀ: ସମୟ ବଞ୍ଚାଇବା ସହ ସମ୍ପର୍କକୁ ସୁଦୃଢ କରିବା ପାଇଁ ପ୍ରସ୍ତୁତ ହୋଇଥିଲା ସ୍ମାର୍ଟଫୋନ । ଦୂରତାକୁ କମ କରିବା ସହ ନୂଆ ନୂଆ ଟେକ୍ନୋଲୋଜିକୁ ଲୋକଙ୍କ ନିକଟତର କରିବା ମଧ୍ୟ ଏହାର ଏକ ମୁଖ୍ୟ ଉଦ୍ଦେଶ୍ୟ ଥିଲା କହିଲେ କିଛି ଭୁଲ ହେବ ନାହିଁ । ହେଲେ ସମୟ ବଞ୍ଚାଉଥିବା ଏହି ସ୍ମାର୍ଟଫୋନ ଯେ ବାସ୍ତବରେ ଶରୀର ପାଇଁ କେତେ ହିତକର ତାହା ସମସ୍ତେ ଜାଣିବା ଦରକାର ।
ସାଧାରଣତଃ ଫୋନଟିଏ କିଣିବା ପୂର୍ବରୁ ଲୋକେ ଫୋନ୍ର ଫିଚର୍ସ ଓ ସ୍ପେଶିଫିକେଶନ ଆଦି ଚେକ କରିଥାନ୍ତି । ହେଲେ ଆପଣ ଜାଣିବା ଦରକାର କି ଗୋଟିଏ ଫୋନ କିଣିବା ପାଇଁ କେବଳ ଏହାର ଫିଚର୍ସ ଓ ସ୍ପେଶିଫିକେଶନ ଜାଣିବା ଜରୁରୀ ନୁହେଁ । ଏହାଛଡା ଫୋନର ସେଲ୍ ପରବର୍ତ୍ତୀ ସର୍ଭିସ, ରିସେଲ୍ ସର୍ଭିସ ଓ ରେଡିଏସନ୍ ଲେଭେଲ ମଧ୍ୟ ଜାଣିବା ଆବଶ୍ୟକ ।
ତେବେ ରେଡିଏସନ୍ ଲେଭେଲ ବିଷୟରେ ଜାଣିବା ପୂର୍ବରୁ ଆପଣ ଜାଣିବା ଦରକାର କି ରେଡିଏସନ୍ କ'ଣ । ଫୋନ ରେଡିଏସନ ହେଉଛି ରେଡିଓ ତରଙ୍ଗ ଯାହା ସ୍ମାର୍ଟଫୋନରୁ ନିର୍ଗତ ହୋଇଥାଏ । ଏହା ଶରୀର ପାଇଁ କ୍ଷତିକାରକ ହୋଇଥିବାରୁ ରାତିରେ ଶୋଇବା ସମୟରେ ଫୋନକୁ ଶରୀରଠାରୁ ଆବଶ୍ୟକୀୟ ଦୂରତାରେ ରଖିବା ପାଇଁ ନିର୍ଦ୍ଦେଶ ଦିଆଯାଇଥାଏ ।
କେତେକ ଫୋନ୍ରେ ଏହି ରେଡିଏସନ୍ ଲେଭେଲ ଏସ୍ଏଆର୍(SAR) ରେଟିଂ ନାମରେ ୟୁଜର ମାନୁଆଲ୍ରେ ଲେଖାଥାଏ । ତ ଆଉ କେତେକ ଏହା ସାଧାରଣ ଭାବେ ରେଡିଏସନ୍ ଲେଭେଲରେ ଲେଖାଯାଇଥାଏ । ହେଲେ ଯଦି ଆପଣଙ୍କ ଫୋନର ରେଡିଏସନ୍ ଲେଭେଲ ଲେଖା ଯାଇନି ତେବେ ଏହି ଉପାୟରେ ଆପଣ ଏହା ଜାଣି ପାରିବେ :
- ପ୍ରଥମେ ନିଜ ଫୋନ୍ରେ ଡାଏଲର୍ ଓପନ୍ କରନ୍ତୁ
- ବର୍ତ୍ତମାନ ଡାଏଲର୍ରେ କୋଡ୍ '#07# କୁ ଡାଏଲ କରନ୍ତୁ
- ଏହି କୋଡ୍ ଡାଏଲ କରିବା ଦ୍ବାରା ଫୋନ୍ରେ ଆପଣ ରେଡିଏସନ୍ ଲେଭେଲ ଦେଖିପାରିବେ
ଏହି ପ୍ରକ୍ରିୟା ଦ୍ବାରା ଆପଣ କେବଳ ନିଜ ସ୍ମାର୍ଟଫୋନ୍ର ରେଡିଏସନ୍ ଲେଭେଲ ନୁହେଁ ବରଂ ଆଇଏମଇଆଇ (IMEI) ନମ୍ବର ଆଦି ମଧ୍ୟ ଜାଣି ପାରିବେ । ତେବେ ଏଥିପାଇଁ ଆପଣଙ୍କୁ କୋଡ୍ '#06# ଡାଏଲ କରିବାକୁ ହେବ ।
